სომხეთის ოპოზიციური საპარლამენტო ფრაქცია ნიკოლ ფაშინიანს პრემიერობის კანდიდატად წარადგენს

სომხეთის ოპოზიციური საპარლამენტო ფრაქცია „იელქი“ ოპოზიციის ლიდერ ნიკოლ ფაშინიანს პრემიერ-მინისტრობის კანდიდატად წარადგენს. ამის შესახებ „სპუტნიკს“ დეპუტატმა ედმონ მარუქიანმა განუცხადა.

მისი თქმით, ფაშინიანის ასარჩევად 105 დეპუტატიდან 53-ს თანხმობაა საჭირო. ამასთან, ფრაქციები „იელქი“ და „წარუკიანი“ 40 ხმას აგროვებენ, კიდევ 13 ხმის მიღებას კი ოპოზიცია მმართველი რესპუბლიკური პარტიიდან და „დაშნაკცუთიუნის“ პარტიიდან აპირებს.

ამასთან, “რესპუბლიკური პარტიის” საპარლამენტო ფრაქციის ხელმძღვანელის ვაჰრამ ბაღდასარიანის განცხადებით, მათი ფრაქცია პრემიერის პოსტზე საკუთარ კანდიდატს წარადგენს.

„ჩვენ გვაქვს საპარლამენტო უმრავლესობა. ჩვენი ფრაქცია ერთიანია და საკუთარი კანდიდატი გვეყოლება“, - აღნიშნა ბაღდასარიანმა.

შეგახსენებთ, რომ სომხეთის პრემიერ-მინისტრმა სერჟ სარგსიანმა თანამდებობა 23 აპრილს დატოვა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს