დოდო გუგეშაშვილი შს მინისტრთან შეხვედრას კვლავ ითხოვს

თადარიგის ყოფილი პოლკოვნიკის დოდო გუგეშაშვილის განცხადებით, მის საცხოვრებელ სახლში განხორციელებულ თავდასხმისა და მისი ვაჟის მკვლელობის გამოძიების საქმეში, ჯერჯერობით სიახლე არ არის. როგორც „ინტერპრესნიუსს“ დოდო გუგეშაშვილმა განუცხადა, მისი მოთხოვნა, რომ საქმესთან დაკავშირებით შეხვდეს შინაგან საქმეთა მინისტრ გიორგი გახარიას, კვლავ ძალაში რჩება.

„გამოძიება, როგორც ჩანს მიმდინარეობს, თუმცა სიახლე არაფერია. ექსპერტიზის პასუხებთან დაკავშირებით არაფერი ვიცი. რაც შეეხება მკვლელის ფოტორობოტს, ვიცი, რომ შს სამმართველოში შექმნილია. საქმესთან დაკავშირებით შინაგან საქმეთა მინისტრ გიორგი გახარიასთან ვითხოვდი შეხვედრას, მაგრამ რაიმე სახის მცირე ცვლილებაც რომ იყოს ძიების საქმეში მერე უფრო საინტერესო იქნებოდა გიორგი გახარიასთან შეხვედრა. შეხვედრის თხოვნა ისევ ძალაშია, მაგრამ ჯერჯერობით გარკვეული პერიოდი მე თავად მაქვს აღებული, რომ იქნებ, რაიმე დაიძრას. ველოდები გამოძიების კონკრეტულ პასუხს, რათა ამ პასუხით შევხვდე მინისტრს“, - განაცხადა დოდო გუგეშაშვილმა.

შეგახსენებთ, რომ დოდო გუგეშაშვილსა და მის ვაჟზე შეიარაღებული თავდასხმა 2018 წლის 7 თებერვალს მოხდა. დედა-შვილს საცხოვრებელ სახლში დაესხნენ თავს. ცეცხლსასროლი იარაღით მიყენებული ჭრილობის შედეგად დოდო გუგეშაშვილი გულ-მკერდის არეში დაიჭრა, ხოლო მისი შვილი ნოდარ გუგეშაშვილი გარდაიცვალა. მომხდართან დაკავშირებით თავდამსხმელი პოლიციას ჯერჯერობით არ დაუკავებია.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს