„ენერგო პრო ჯორჯია“ - ბათუმში, ახალგაზრდების დაშავება ელექტროგადამცემი ხაზის გაუმართაობას არ უკავშირდება
„ენერგო პრო ჯორჯიას“ ინფორმაციით, ბათუმში, ახალგაზრდების დაშავება ელექტროგადამცემი ხაზის გაუმართაობას არ უკავშირდება.აღნიშნულ ინფორმაციას „ენერგო პრო ჯორჯია“ ავრცელებს.
„დაზუსტებული ინფორმაციით, ბათუმში, მაღალი ძაბვის 110 კვ-იანი ელექტროგადამცემი ხაზის უსაფრთხოება და კანონით განსაზღვრული გაბარიტი, მანძილი მიწასა და სადენს შორის, სრულად დაცული იყო და არის, შესაბამისად, მდინარეზე, ხიდიდან თევზაობისას ახალგაზრდების დაშავება, გადამცემი ხაზის გაუმართაობას არ უკავშირდება. სავარაუდოდ ხაზთან შეხება მოხდა თევზაობისთვის საჭირო მოწყობილობით.
სამართალდამცველი ორგანოები მუშაობენ და რა გარემოებაში მოხდა ახალგაზრდების დაშავება, გამოძიება დაადგენს“, - ნათქვამია „ენერგო პრო ჯორჯიას“ მიერ გავრცელებულ ინფორმაციაში.
შეგახსენებთ, რომ დღეს ბათუმში თევზაობის დროს სამი ადამიანი დაშავდა, მათ შორის ორი არასრულწლოვანია.
v-if="article.gallery" v-html="article.gallery"
