დოდო გუგეშაშვილი შინაგან საქმეთა მინისტრთან შეხვედრას ითხოვს

თადარიგის პოლკოვნიკი დოდო გუგეშაშვილი შინაგან საქმეთა მინისტრ გიორგი გახარიასთან შეხვედრას ითხოვს, - ამის შესახებ ჟურნალისტებს მისმა ადვოკატმა გელა ნიკოლაიშვილმა განუცხადა.

მისი განმარტებით, გუგეშაშვილი ეჭვობს, რომ მასზე და მის შვილზე თავდასხმის საქმის გამოძიებას შესაძლოა ვიღაც ბლოკავდეს, ამიტომ ამ საკითხზე მას შს მინისტრთან შეხვედრა სურს.

დოდო გუგეშაშვილი და მისი ადვოკატი დღეს პოლიციის სამმართველოში იმყოფებოდნენ. მათ აინტერესებდათ, თუ რა ეტაპზეა ამ დროისთვის გამოძიება. "ჩვენ მოვედით ჩვენი ინიციატივით. არავის დავუბარებივართ. კითხვები გვქონდა გამოძიების მიმდინარეობის შესახებ, რა ოყო ახალი და რა არა. ჩვენ პერიოდულად, დაახლოებით, ორ კვირაში ერთხელ, ხან ათ დღეში ერთხელ, ბუნებრივია ვინტერესდებით გამოძიების მიმდინარეობით. ამ თემებზე იყო საუბარი. ჯერჯერობით რაიმე მნიშვნელოვანი სიახლე არ არის, მიმდინარეობს მუშა პროცესი. ტელეფონები, ლეპტოპი დაგვიბრუნეს, რომლებიც სრულად იყო დამუშავებული. დაგვიბრუნეს ასევე მისი პასპორტი. რეალურად სხვა მნიშვნელოვანი წინსვლა რომ იყოს ამ საქმეში, სამწუხაროდ, ასე არ არის. შს მინისტრთან შეხვედრას ითხოვს დოდო გუგეშაშვილი, ვინაიდან, ბუნებრივია, შეწუხებულია იმით, რომ ჯერჯერობით არ არის გამოკვეთილი კონკრეტული კვალი. ამიტომ მას უნდა თავისი ეჭვების შესახებ ესაუბროს მინისტრს, ვინაიდან შესაძლოა ვიღაც ბლოკავდეს ამ გამოძიებას. თვითონ ასე ფიქრობს ყოველ შემთხვევაში და რატომ ფიქრობს ასე, არ ვიცი", - განაცხადა ნიკოლაიშვილმა.

ადვოკატის თქმით, მათთვის უცნობია თავმდამსმელის ვინაობა, შესაბამისად, ასევე უცნობია, იმყოფება თუ არა ეს პირი ქვეყანაში. "სამწუხაროდ, არც ჩვენ და არც გამოძიებას არ შეგვიძლია დავასახელოთ კონკრეტულად ეჭვი თუ აქვს ვინმეზე. აქედან გამომდინარე, ბუნებრივია, ისიც არ გვეცოდინება, იმყოფება თუ არა საქართველოში. პირი იდენტიფიცირებული რა თქმა უნდა არ არის. იდენტიფიცირებული რომ იყოს, მაშინ ის დაკავებული თუ არა, ძებნა მაინც იქნებოდა მასზე გამოცხადებული. არსებობს ფოტორობოტი, თუმცა არ არის ჯერჯერობით იდენტიფიცირებული და მუშაობაც ამიტომ მიმდინარეობს. სხვათა შორის ფოტორობოტის შექმნაში მონაწილეობდა თვითონ დოდო გუგეშაშვილიც", - აღნიშნა ნიკოლაიშვილმა.

დოდო გუგეშაშვილი შინაგან საქმეთა მინისტრთან შეხვედრას ითხოვს

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)