პაატა ზაქარეიშვილი - როცა დანგრეული და განადგურებული სირია დარწმუნდა, რომ რუსეთი მართლა ეხმარება ასადის რეჟიმს, რუსეთის გამო ეს ნაბიჯი გადადგა

სირიას არანაირი პირდაპირი ინტერესი საქართველოს მიმართ არ გააჩნია, ისევე, როგორც საქართველოს არ გააჩნია სირიის მიმართ ინტერესი - აშკარაა, რომ სირიამ “აღიარების“ გადაწყვეტილება რუსეთის ზეწოლის შედეგად მიიღო, - ამის შესახებ შერიგების საკითხებში ყოფილმა სახელმწიფო მინისტრმა პაატა ზაქარეიშვილმა “პალიტრანიუსის“ გადაცემაში “360 გრადუსი“ განაცხადა.

ზაქარეიშვილის შეფასებით, სირია რუსეთის მძევალია და ასადის რეჟიმი იძულებული გახდა, აფხაზეთისა და “სამხრეთ ოსეთის“ ე.წ. დამოუკიდებლობა ეღიარებინა.

“რუსეთი სირიას ეჭიდავებოდა სამი-ოთხი წელი, თუ უფრო მეტი არა. სამი წლის იქით არ მიდის ინფორმაცია, სადაც სირია აფხაზ “ჩინოვნიკებს“ ელაპარაკება. სირიას ამის გაკეთება რომ სდომოდა, სამი წლით ადრე გააკეთებდა. სირიამ - დანგრეულმა და განადგურებულმა სახელმწიფომ ძალიან დიდი ხანი მოანდომა და როცა დარწმუნდა, რომ რუსეთი მართლა ეხმარება ასადის რეჟიმს - რეალურად ასადის რეჟიმი რუსეთმა გადაარჩინა, ეხმარება რა სამხედრო ძალებით და ჯარისკაცებით, ეს დახმარება იმდენად დიდი იყო, რომ სხვა გზა არ დარჩენოდა, რომ რუსეთის გამო ეს ნაბიჯი გადაედგა. სირიას ამაში სხვა მოგება და ინტერესი არ აქვს“, - განაცხადა პაატა ზაქარეიშვილმა.

როგორც დღეს გახდა ცნობილი, სირიამ აფხაზეთისა და სამხრეთ ოსეთის ე.წ. დამოუკიდებლობა აღიარა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს