არჩილ თალაკვაძე - ბაშარ ასადის გადაწყვეტილებას არანაირი ლეგიტიმაცია არ ექნება

საპარლამენტო უმრავლესობის ლიდერის, არჩილ თალაკვაძის განცხადებით, ბაშარ ასადის რეჟიმის მიერ საქართველოს ოკუპირებული ტერიტორიების აღიარების გადაწყვეტილებას არც ლეგიტიმაცია და არც ხალხის მხარდაჭერა არ ექნება. როგორც თალაკვაძემ ჟურნალისტებთან განაცხადა, რუსეთის მანიპულირებით ასადის რეჟიმმა ე.წ. სახელმწიფოების აღიარებასთან დაკავშირებით უკანონო გადაწყვეტილება მიიღო.

"ბუნებრივია, ეს არაღიარების პროცესში ვერანაირ ცვლილებას ვერ შეიტანს, ეს რეჟიმებისთვის მოჩვენებითი აღიარებაა. ჩვენ საერთაშორისო თანამეგობრობის მხარდაჭერა გვაქვს და საერთაშორისო თანამეგობრობა საქართველოს ტერიტორიულ მთლიანობას აღიარებს. ამ გადაწყვეტილებას სირიელი ხალხის ლეგიტიმაცია და მხარდაჭერა ვერანაირად ვერ ექნება, რადგან სირიაში კრიზისია. ასადს და მის რეჟიმს სირიელი ქალების, კაცებისა და ბავშვების ხმა არ ესმით. ბუნებრივია, ამ გადაწყვეტილებას არანაირი ლეგიტიმაცია და ხალხის მხარდაჭერა არ ექნება“, - განაცხადა არჩილ თალაკვაძემ.

კითხვაზე, რატომ მოხდა ახლა ე.წ. აღიარება, თალაკვაძემ განაცხადა, რომ „ასადის რეჟიმი რუსეთთან იმ მოვლენების შემდეგ ვალშია, რომელიც სირიაში ბოლო პერიოდში განვითარდა“.

„შესაბამისად, რუსეთმა ეს დავალიანება იმისთვის გამოიყენა, რომ ასადის რეჟიმს ე.წ. აღიარება მიეღო", - განაცხადა თალაკვაძემ.

სირიამ ოკუპირებული აფხაზეთისა და „სამხრეთ ოსეთის“ „დამოუკიდებლობა“ გუშინ აღიარა. ამის საპასუხოდ საქართველომ სირიასთან დიპლომატიური ურთიერთობების გაწყვეტის პროცესი დაიწყო.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 19.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)