გიგა ბოკერია - ასადი რომ გაღიარებს, ეს დადასტურებაა, რომ არალეგიტიმური ხარ, შენი მოკავშირე სისხლიანი რეჟიმია და ორივე ხართ პუტინის რეჟიმი

ასადი რომ გაღიარებს, ეს დადასტურებაა, რომ ხარ არალეგიტიმური, შენი მოკავშირე სისხლიანი რეჟიმია და ორივე ხართ პუტინის რეჟიმი. თუ დადასტურდება ისიც, რომ საგარეო საქმეთა სამინისტრომ ამის შესახებ პრესისგან გაიგო, ეს არის უკვე დიაგნოზი ჩვენი ხელისუფლების შიგნით, რადგან მთავრობამ ყველაზე ცუდ რეჟიმებთანაც უნდა იმუშაოს, რომ არ მოხდეს აღიარება, - ამის შესახებ „ევროპული საქართველოს“ ლიდერმა გიგა ბოკერიამ, სირიის მიერ საქართველოს ოკუპირებული ტერიტორიების „დამოუკიდებლობის აღიარებასთან“ დაკავშირებით განაცხადა.

,,ყველა საფუძველი გვაქვს ვიფიქროთ, რომ საგარეო საქმეთა სამინისტროს არ ჩაუტარებია საჭირო სამუშაო იმ პარტნიორებთან, ან თუნდაც ძალიან პრობლემატურ პოლიტიკურ მოთამაშეებთან, ვისთანაც ის უნდა მუშაობდეს და ამის დასტური არის ის, რომ პრესიდან გაიგეს ამ ფაქტის შესახებ. თუკი ეს ფაქტი საბოლოოდ დადასტურდება, ამაზე მეტი არაკომპეტენტურობა და უსაქმურობა ძნელი წარმოსადგენია. ამიტომ ბუნებრივია, პარლამენტის და პარლამენტს შიგნით ოპოზიციის როლი და ვალდებულებაა ყველა ინსტრუმენტი გამოიყენოს, რომ ამ თემაზე აღმასრულებელ ხელისუფლებას მოვთხოვოთ პასუხი და დავუსვათ კითხვები. რა თქმა უნდა, ჩვენ, როგორც პასუხისმგებლიანი ოპოზიცია ამ საკითხს ბოლომდე დავსვამთ“, - განაცხადა გიგა ბოკერიამ, რომლის კომენტარსაც „ევროპული საქართველო“ ავრცელებს.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად