„ნაციონალური მოძრაობის“ წევრები მოითხოვენ, პოლიციის თანამშრომლებმა აქციის მონაწილეების კუთვნილი კარვები დატოვონ

„ნაციონალური მოძრაობის“ წევრები პარლამენტის წინ არსებულ კარვებში შესვლას ითხოვენ. რუსთაველის გამზირზე იმყოფებიან ნიკა მელია, თინა ბოკუჩავა, კოტე იოსელიანი და პარტიის სხვა წევრები. ისინი მოითხოვენ აქციის მონაწილეების კუთვნილი კარვები პოლიციის თანამშრომლებმა დატოვონ. ნიკა მელია ასევე ითხოვს პოლიციის პასუხისმგებელ პირს, რომელიც მას კითხვებზე პასუხს გასცემს.

ამასთან, „ნაციონალური მოძრაობის“ წევრი მურთაზ ზოდელავა საპატრულო პოლიციის დეპარტამენტის უფროსის თეიმურაზ კუპატაძის მისამართით განცხადებას აკეთებს.

"ამ ადამიანმა გადააქცია საპატრულო პოლიციის დეპარტამენტის ნაწილი ბანდიტურ დაჯგუფებად. დღეს, რუსთაველის გამზირზე, დილის 06:00 საათიდან უკვე სისხლის სამართლის 5 დანაშაული ჩაიდინა. ეს არის: პოლიტიკოსების გატაცება, პოლიტიკოსების დაშინება, დანაშაულებრივი დავალებების შესრულება, მას აქვს მხოლოდ დღეს რამდენიმე დანაშაული ჩადენილი და ამას არ აკეთებს შემთხვევით. საპატრულო პოლიციის დეპარტამენტის ხელმძღვანელი თეიმურაზ კუპატაძე არის ადიკო ივანიშვილის ნათლული. ის არის ივანიშვილის ოჯახის პირადი პოლიციელი, რომელმაც პოლიციის ნაწილი გადააქცია ბანდიტურ დაჯგუფებად. ამ დაჯგუფებებს იყენებს ხალხის დასათრგუნად, რამდენად გაუვათ ეს, ამას შემდეგი დღეები აჩვენებს", - განაცხადა ზოდელავამ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ