„ალდაგი“ სატრანსპორტო საშუალებების მფლობელებს, რომლებიც მოსწავლეების ექსკურსიებზე გადაყვანას უზრუნველყოფენ, დაზღვევას სთავაზობს

სადაზღვევო კომპანია „ალდაგი“ სატრანსპორტო საშუალებების მფლობელებს, რომლებიც ზოგადსაგანმანათლებლო დაწესებულებების მოსწავლეებს ექსკურსიებსა და სხვადასხვა ღონისძიებაზე გადაყვანას უზრუნველყოფენ, ახალ ექსკლუზიურ პროდუქტს სთავაზობს. ამის შესახებ „ინტერპრესნიუსს“ სადაზღვევო კომპანიიდან „ალდაგი“ აცნობეს.

მათივე ინფორმაციით, „ალდაგის“ სპეციალური შეთავაზების ფარგლებში, ამ კატეგორიის ყველა სატრანსპორტო საშუალებას შესაძლებლობა ეძლევა, დააზღვიოს ავტომობილი, მძღოლის პასუხისმგებლობა და მგზავრები შემდეგი რისკისგან: ავტომობილით მგზავრობისას დამდგარი უბედური შემთხვევა, რაც თითოეული დაზარალებულის გადაუდებელი ამბულატორიული მკურნალობის, საავადმყოფომდე მიყვანის, საავადმყოფოში მკურნალობისა და ყოფნის ხარჯების ანაზღაურებას გულისხმობს.

პოლისით, ასევე, იფარება: ავტოსაგზაო შემთხვევის, ხანძრის, აფეთქების, ვანდალიზმის, სტიქიური უბედურებების, სეტყვის, მიწისძვრის, ქურდობის, ძარცვისა და ყაჩაღობის რისკები. აღსანიშნავია, რომ „ალდაგის“ ახალ პროდუქტში გაზრდილი სადაზღვევო ლიმიტი 100 (ასი) ათას ლარს შეადგენს და ის მიკროავტობუსში მჯდომი ყველა მგზავრის ჯანმრთელობის დაზღვევას მოიცავს.

„ალდაგის“ ახალი პროდუქტი შეიქმნა განათლების და მეცნიერების სამინისტროს რეკომენდაციების გათვალისწინებით იმ გაზრდილი მოთხოვნის საფუძველზე, რომელიც ბავშვთა გადასაყვანად განკუთვნილი ტრანსპორტის დაზღვევას გულისხმობს.

მიკროავტობუსების მძღოლები „ალდაგის“ სპეციალური ფასებითა და პირობებით სარგებლობას დღეიდან შეძლებენ.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 17.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა