დავით ზალკალიანი - დღეს ისტორიული დღეა - 4 წლის წინ, 27 ივნისს, ბრიუსელში ხელი მოეწერა ასოცირების შეთანხმებას

დღეს ისტორიული დღე გახლავთ - 4 წლის წინ, 27 ივნისს, ბრიუსელში ხელი მოეწერა ასოცირების შეთანხმებას, - ამის შესახებ საქართველოს საგარეო საქმეთა მინისტრმა დავით ზალკალიანმა დღეს გამართულ პრესკონფერენციაზე განაცხადა.

"ამ ხელმოწერამ თვისობრივად ახალ დონეზე გადაიყვანა საქართველოს ევროკავშირში ინტეგრაციის პროცესი და საქართველოს ევროპეიზაციის პროცესი შეუქცევადი გახადა. მნიშვნელოვანია აღინიშნოს, რომ საქართველოს ახალი პრემიერ-მინისტრის და მთავრობის პროგრამაში ერთ-ერთ უმთავრეს პრიორიტეტად არის გამოტანილი საქართველოს ევროატლანტიკურ სივრცეში სრულფასოვანი ინტეგრაცია. ამ მიმართულებით საქართველოს ხელისუფლება მნიშვნელოვან ნაბიჯებს გადადგამს მომავალში",- განაცხადა ზალკალიანმა.

საგარეო საქმეთა მინისტრმა ოთხი წლის განმავლობაში ევროინტეგრაციის მიმართულებით არსებულ მიღწევებზე ისაუბრა. აღნიშნა, რომ ძალაში შევიდა ევროკავშირთან უვიზო მიმოსვლა, რომლითაც საქართველოს 300 000-ზე მეტმა მოქალაქემ ისარგებლა; ევროკავშირთან დაიწყო მაღალი დონის სტრატეგიული დიალოგი უსაფრთხოების საკითხებზე; ასოცირების ხელშეკრულების ხელმოწერიდან ქვეყანამ მნიშვნელოვანი ფინანსური მხარდაჭერა მიიღო; შეუერთდა ევროპის ენერგეტიკულ გაერთიანებას და სხვა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა