საქართველოს რესპირაციული ასოციაციის მე–6 საერთაშორისო კონგრესზე დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე მოხსენებით წარდგა.
როგორც „ინტერპრესნიუსს“ ჯანდაცვის სამინისტროდან აცნობეს, ამირან გამყრელიძემ თავის მოხსენებაში გლობალურ და ადგილობრივ დონეზე არაგადამდები დაავადებების მიმართულებით არსებულ გამოწვევებზე, სიკვდილიანობის სტატისტიკასა და ამ ტიპის დაავადებებთან საქართველოს ბრძოლის სტრატეგიაზე გააკეთა აქცენტი.
მათი ინფორმაციით, კონგრესში 30 ქვეყნის 1100 დელეგატი მონაწილეობს. ღონისძიების ფარგლებში, 24 სიმპოზიუმი ჩატარდა, სადაც რესპირაციული მედიცინის ყველა ასპექტი განიხილეს.
საქართველოს რესპირაციული ასოციაციის მე–6 საერთაშორისო კონგრესი 28 ივნისს გაიხსნა და დღეს დაიხურება.