სოზარ სუბარის ინფორმაციით, წუხელ პრობლემები შეიქმნა ჭუბერის ხეობაში შესასვლელ გზასთან დაკავშირებით, ამ ეტაპზე კი, ეს საშიშროება მოხსნილია

გუშინ, გვიან ღამით, მდინარე ნენსკრას წყლის დონის მატებამ ჭუბერში კვლავ პრობლემები გამოიწვია. როგორც „ინტერპრესნიუსს“ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა განუცხადა, პრობლემები შეიქმნა ხეობაში შემოსასვლელ გზასთან დაკავშირებით და არსებობდა გზის წაღების საშიშროება. მისივე ინფორმაციით, აღნიშნულ მონაკვეთზე მთელი ღამის განმავლობაში მუშაობდა ტექნიკა და მოხდა გზის გამაგრება. ამ ეტაპზე კი გზის წაღების ან დაზიანების საფრთხე მოხსნილია.

მინისტრის განცხადებით, რამდენიმე წუთის წინ ჩატარდა კიდევ ერთი მონიტორინგი და მოხდა სხვადასხვა ტერიტორიების დათვალიერება.

სოზარ სუბარის ინფორმაციით, ამ ეტაპზე მოხსნილია ქალდანების სახლის წაღების საშიშროება.

ამასთან, გზების საავტომობილო დეპარტამენტის წარმომადგენლების ინფორმაციით, დილიდან ინტენსიურად მიმდინარეობს დროებითი ხიდის სამშენებლო სამუშაოები.

საავტომობილო გზების დეპარტამენტში მდინარე ნენსკრას მარჯვენა ნაპირზე ბურჯის აშენებას დღის ბოლომდე პროგნოზირებენ, რის შემდეგაც სამუშაოები მარცხენა სანაპიროზე გაგრძელდება. საბოლოო ჯამში კი, ხიდის მშენებლობის დასრულებას 3-4 დღეში პროგნოზირებენ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს