თბილისის რაიონების გამგეობების მიერ ჭუბერის მოსახლეობისთვის 10 ტონამდე პროდუქტი შეგროვდა

ჭუბერში სტიქიით დაზარალებული მოსახლეობისთვის თბილისის რაონების გამგეობების მიერ 10 ტონამდე პროდუქტი შეგროვდა.

დიდუბის რაიონის გაგეობასთან, ჭუბერის მოსახლეობის დასახმარებლად არამალფუჭებადი პროდუქტებისა და პირველადი საყოფაცხოვრებო ნივთებით ტრაილერის დატვირთვის პროცესს დღეს თბილისის ყველა რაიონის გამგებელი ესწრებოდა. სხვადასხვა სახის პროდუქტის შეგროვებაში თბილისის ყველა რაიონის გამგეობა მონაწილეობდა.

ჰუმანიტარული ტვირთის ჭუბერში გაგზავნის პროცესს ადგილზე თბილისის მერის მოადგილე ილია ელოშვილიც ესწრებოდა.

„ჭუბერში გასაგზავნად საკუთარი სახსრებით თბილისის გამგეობების თანამშრომლებმა შეაგროვეს საკვები პროდუქტები და საყოფაცხოვრებო ნივთები. მიხარია, რომ ამ ინიციატივას შემოუერთდნენ რაიონების მიხედვით მოქალაქეები, ბიზნესის წარმომადგენლები და საბოლოო ჯამში, მნიშვნელოვანი რაოდენობის პროდუქტი იგზავნება ჭუბერის მოსახლეობის დასახმარებლად“, – განაცხადა ილია ელოშვილმა.

ინიციატორი კი დიდუბის რაიონის გაგებელი ირმა ზავრადაშვილი იყო.

მისივე თქმით, სტიქიის ზონაში გასაგზავნად არამალფუჭებადი პროდუქტი: პურის ფქვილი, შაქარი, ბურღულეული, გამაგრილებელი სასმელები, ტკბილეული, პირველადი საყოფაცხოვრებო ნივთები, პლედები შეგროვდა.

დიდუბის რაიონის გამგებელმა მადლობა გადაუხადა ყველას, ვინც ამ აქციაში მონაწილეობდა და აღნიშნა, რომ საჭიროების შემთხვევაში, ჭუბერის მოსახლეობას მომავალშიც დაეხმარებიან.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო