საქართველოს პრეზიდენტმა უნგრეთის პრემიერთან საქართველოს ნატოში ინტეგრაციის ინტენსიფიკაციის საკითხები განიხილა

ბრიუსელში, ნატოს სამიტის ფარგლებში, ნატოს ახალ სათავო ოფისში გიორგი მარგველაშვილმა უნგრეთის პრემიერმინისტრთან ვიქტორ ორბანთან ის საკითხები განიხილა, რომელიც საქართველოს ევროატლანტიკურ სივრცეში ინტეგრაციის პროცესის პროგრესს უკავშირდება და რომელიც საქართველოს წინაშე მდგარ უსაფრთხოების გამოწვევებს შეეხება.

პრეზიდენტის ადმინისტრაციის პრესსამსახურის ინფორმაციით, გიორგი მარგველაშვილმა უნგრეთს მადლობა გადაუხადა დღეს ნატო - საქართველო - უკრაინის ფორმატში გამართულ შეხვედრაზე საქართველოს ძლიერი და მტკიცე მხარდაჭერისათვის, რომელიც ძალიან მნიშვნელოვანია, საქართველოს ევროატლანტიკურ სივრცეში გაწევრიანების პროცესის დასაჩქარებლად.

შეხვედრაზე განიხილეს ის სამუშაო, რომელიც საქართველომ მეგობარ ქვეყნებთან ერთად უნდა ჩაატაროს ნატოში ინტეგრაციის მიმართულებით შესაძლებლობათა ფანჯრის გაჩენასთან დაკავშირებით. ასევე, საქართველოს პრეზიდენტმა მადლიერება გამოხატა უნგრეთის მიერ ოკუპირებული ტერიტორიების არაღიარების პოლიტიკის მხარდაჭერისა და ევროკავშირის სადამკვირვებლო მისიაში მონაწილეობისათვის.

როგორც შეხვედრისას აღინიშნა, მისასალმებელია ნატოს პოზიცია, რომ საქართველოს ურთიერთობა ალიანსთან შეიცავს ყველა პრაქტიკულ ინსტრუმენტს, რათა საქართველოს მომზადება მოხდეს წევრობისთვის. მხარეებმა განიხილეს ორმხრივი ურთიერთობების გაღრმავების კონტექსტში უმაღლესი დონის ვიზიტების გააქტიურების მნიშვნელობა და აღინიშნა, რომ ქართულ - უნგრულ პოლიტიკური ურთიერთობების განვითარებას ახალ სტიმულს შესძენს უნგრეთის მაღალი თანამდებობის პირების ვიზიტები საქართველოში.

საუბარი შეეხო თანამშრომლობის საკითხებს ეკონომიკისა და განათლების მიმართულებით. აღინიშნა, რომ საქართველოსათვის მნიშვნელოვანია ქართველი ახალგაზრდებისათვის იმ შესაძლებლობის მიცემა, რომლითაც ისინი უნგრეთის მთავრობის სტიპენდიებით სარგებლობენ და უნგრეთის წამყვან უნივერსიტეტებში ევროპულ განათლებას იღებენ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა