პაკისტანში, ბელუჯისტანის პროვინციაში წინასაარჩევნო მიტინგის დროს მომხდარ აფეთქებას 128 ადამიანი ემსხვერპლა, 120 კი დაშავდა. ამის შესახებ ადგილობრივი ტელეარხი Geo TV იუწყება.

დაღუპულთა შორისაა პარტია „ბელუჯისტან ავამის“ ლიდერი ნავაბზადა სირაი რაისანი.

ტელეარხის ინფორმაციით, აფეთქება თვითმკვლელმა ტერორისტმა განახორციელა. გამოძიების წინასწარი ვერსიით, აფეთქების დროს 16-20 კილოგრამი ასაფეთქებელი იყო გამოყენებული.

AP-ის ინფორმაციით, აფეთქებაზე პასუხისმგებლობა ტერორისტულმა დაჯგუფებამ „ისლამურმა სახელმწიფომ“ აიღო.