GIPA-ში ღონისძიება - „დატოვე შენი კვალი GIPA-ში“ გაიმართება

საქართველოს საზოგადოებრივ საქმეთა ინსტიტუტი საზოგადოებასთან ურთიერთობის სამაგისტრო პროგრამის სტუდენტთა მიერ ორგანიზებულ ღონისძიებაზე GIPA-ს ლექტორებსა და სტუდენტებს დღეს უმასპინძლებს.

როგორც საქართველოს საზოგადოებრივ საქმეთა ინსტიტუტში აცხადებენ, „დატოვე შენი კვალი GIPA-ში“ ღონისძიების მიზანია გააერთიანოს უნივერსიტეტის გულშემატკივრები საერთო საქმისთვის, რომელიც ხელს შეუწყობს მომავალი სტუდენტებისთვის უკეთესი სასწავლო გარემოს შექმნას.

„პროექტის მთავარი იდეა მდგომარეობს იმაში, რომ ღონისძების მონაწილეებმა „ჯიპას“ სივრცეს უნდა შემატონ ერთი ისეთი ნივთი, რომელიც მათ უნივერსიტეტთან აკავშირებთ. აღსანიშნავია, რომ ამ ღონისძებით საფუძველი ჩაეყრება ტრადიციას, რომლის მიხედვითაც GIPA-ს კურსდამთავრებულები ყოველწლიურად შემატებენ რაიმე საჭირო ინვენტარს ან ნივთს უნივერსიტეტის კედლებს და ამით დატოვებენ საკუთარ კვალს GIPA-ში. სტუმრებს საშუალება ექნებათ დაათვალიერონ ჯიპას ახალი კუთხე პირველ სართულზე არსებულ სივრცეში, გადაიღონ სამახსოვრო ფოტოები სპეციალურად მოწყობილ ფოტო-კუთხეში, შეხვდნენ საინტერესო ადამიანებს და გაატარონ სასიამოვნო დრო. ღონისძიებას დაესწრებიან უნივერსიტეტის ლექტორები, ყოფილი და აქტიური სტუდენტები“, - აცხადებენ GIPA-ში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში