ირაკლი აბესაძე ხორავას ქუჩის საქმეზე - ახლა უკვე გვაქვს კონკრეტული მტკიცებულებები, რომელმაც გამოკვეთა ერთი კონკრეტული ვერსია

ახლა უკვე გვაქვს კონკრეტული მტკიცებულებები, რომელმაც გამოკვეთა ერთი კონკრეტული ვერსია, რაზეც შსს-გან ველით უმოკლეს ვადებში რეაგირებას, - ამის შესახებ ხორავას ქუჩაზე მოზარდების მკვლელობის საქმეზე პარლამენტის დროებითი საგამოძიებო კომისიის წევრმა ირაკლი აბესაძემ განაცხადა. კომისიის წევრების ინფორმაციით, საქმის შესწავლისა და არასრულწლოვნების გამოკითხვის შედეგად გამოკვეთილია კონკრეტული ვერსია, რომლის გადამოწმებაც შსს-მ უმოკლედ დროში უნდა განახორციელოს. აბესაძე არ აკონკრეტებს, ვინ ფიგურირებს აღნიშნულ ვერსიაში და რა მტკიცებულებებია გამოკვეთილი ამ მხრივ.

„კომისიის მუშაობისას, მასალების შესწავლისას ნათლად დავინახეთ, რომ მთელი რიგი საგამოძიებო მოქმედებების ჩაუტარებლობა, მთელი რიგი მოწმეების დაუკითხაობა თავის დროზე, რომლებიც როგორც აღმოჩნდა ფლობდნენ მნიშვნელოვან ინფორმაციას, ეს ნიშნავდა, რომ გამოძიებას არ ჰქონდა გადამოწმებული ყველა ვერსია მომხდარ დანაშაულთან დაკავშირებით. ახლა უკვე გვაქვს კონკრეტული მტკიცებულებები, რომელმაც გამოკვეთა ერთი კონკრეტული ვერსია, რაზეც შსს-გან, რომელმაც თვეები დაკარგა იმისათვის, რომ ეს ვერსია უკვე გადამოწმებული და დადასტურებული ან უარყოფილი ჰქონოდა, ველით რაც შეიძლება სწრაფად გადაამოწმოს ეს ვერსია, გადაამოწმოს ეს ფაქტები და გარემოებები და საზოგადოებას აცნობოს შედეგების შესახებ. რაც შეეხება კონკრეტულ ფიგურანტებს, ან ვის მიმართ და რა მტკიცებულებებზე დაყრდნობით ვსაუბრობთ ახალ გარემოებებზე, ამაზე საუბრისგან დღეს რა თქმა უნდა თავს შევიკავებთ. ჩვენ ვაძლევთ შსს-ს შესაძლებლობას, რომ უმოკლეს ვადაში დაასრულოს ამ ვერსიაზე მუშაობა და შედეგები საზოგადოებას აცნობოს“, - განაცხადა ირაკლი აბესაძემ.

ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ქართული პრესის მიმოხილვა 19.10.2020
ლევან ბოძაშვილი - კავკასიური კვანძი იხსნება და არა საქართველოს სასარგებლოდ, ჩვენთვის ახლა აუცილებლობას წარმოადგენს სრული პოლიტიკური და ინსტიტუციონალური სტაბილურობა
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის