თამარ ჩუგოშვილი NDI-ის კვლევაზე - მაქვს მოლოდინი, რომ საპრეზიდენტო არჩევნებში რადიკალურად განსხვავებულ ციფრებს მივიღებთ

როდესაც კვლევაში არის ამდენი უარი პასუხზე ან არის ამდენი გადაუწყვეტელი ამომრჩეველი, კვლევა საზოგადოების რეალურ განწყობებს ვერანაირად ვერ ასახავს, - ამის შესახებ ჟურნალისტებს პარლამენტის პირველმა ვიცე-სპიკერმა თამარ ჩუგოშვილმა NDI-ის კვლევის კომენტირებისას განუცხადა.

“ამას 2012 წლიდან მოყოლებული ყველა არჩევნები ამტკიცებს, როდესაც NDI-ის კვლევის შედეგები და საარჩევნო შედეგები მნიშვნელოვნად ცდება ერთმანეთს. ეს პირველად არ ხდება. მაქვს მოლოდინი, რომ საპრეზიდენტო არჩევნებში რადიკალურად განსხვავებულ ციფრებს მივიღებთ. გადაუწყვეტელი ამომრჩევლის ეს რაოდენობა ალბათ იმითაც აიხსნება, რომ “ქართულ ოცნებას“ პრეზიდენტობის საკუთარი კანდიდატი დასახელებული არ ჰყავს. კანდიდატის დასახელება ამ მონაცემებს თვისობრივად შეცვლის. რაც შეეხება პასუხებზე უარს, ეს ალბათ გამოწვეულია კვლევის მიმართ საზოგადოებაში გარკვეული უნდობლობით, რომელიც ამ კონკრეტულ ორგანიზაციასთან დაკავშირებით რაღაც დოზით არსებობს“, - განაცხადა თამარ ჩუგოშვილმა.

“ეროვნულ-დემოკრატიული ინსტიტუტის“ კვლევის თანახმად, გამოკითხულთა უმრავლესობა - 32% აცხადებს, რომ ხვალ რომ საპრეზიდენტო არჩევნები იყოს, არ იცის, თუ რომელ კანდიდატს მისცემდა ხმას.

ამასთან, კვლევის თანახმად, ხვალ რომ საპრეზიდენტო არჩევნები იყოს, ვის მისცემდით ხმას, გამოკითხულთა 15% აცხადებს, რომ არც ერთ კანდიდატს, 12% - ”ქართული ოცნების“ კანდიდატს დაუჭერდა მხარს, 10% - ”ერთიანი ნაციონალური მოძრაობის“ კანდიდატს, 6% - გიორგი მარგველაშვილს, 6% - დავით ბაქრაძეს, 4% - შალვა ნათელაშვილს, 7%- სხვა კანდიდატებს.

კვლევის საველე სამუშაოები ჩატარდა 23 ივნისი - 8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო. კვლევაში ცდომილების ზღვარი +/-1,9%-ია.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა