გარემოს ეროვნული სააგენტოს ინფორმაციით, მყინვარ ლეხზირთან მიმართებაში ვითარება სტაბილურია და საფრთხე არ არსებობს

გარემოს ეროვნული სააგენტოს ინფორმაციით, მყინვარ ლეხზირთან მიმართებაში ამ დროისათვის ვითარება სტაბილურია და საფრთხე არ არსებობს.

როგორც „ინტერპრესნიუსს“ უწყებიდან აცნობეს, სააგენტოს სპეციალისტები ადგილზე რჩებიან და პროცესის მუდმივ რეჟიმში მონიტორინგს განაგრძობენ.

„გარემოს დაცვისა და სოფლის მეურნეობის სამინისტროს, გარემოს ეროვნული სააგენტოს სპეციალისტების მიერ, ადგილზე მოხდა მყინვარ ლეხზირის დათვალირება და არსებული ვითარების შეფასება.

სპეციალისტების ინფორმაციით, მყინვარ ლეხზირის ენიდან დაახლოებით 400 მეტრში ყინულის მასებისა ჩამოშლის შედეგად ადგილი ჰქონდა წყლის შეგუბებას, რომელიც ამ დროისათვის აღარ ფიქსირდება.

მდინარე მესტიაჭალის ქვემო წელში მდინარე მულხურას შესართავთან ახლოს განთავსებული ჰიდროლოგიური სადგურის მონაცემებით მდინარეში წყლის დონე ნორმის ფარგლებშია.

ამ დროისათვის ვითარება სტაბილურია და საფრთხე არ არსებობს. სააგენტოს სპეციალისტები ადგილზე რჩებიან და აგრძელებენ პროცესის მუდმივ რეჟიმში მონიტორინგს“, - ნათქვამია გარემოს ეროვნული სააგენტოს განცხადებაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს