მიხეილ ბატიაშვილი - გადაწყვეტილების გადახედვის ერთადერთი საშუალება სააპელაციო კომისიაა, სადაც შავი ზღვის საერთაშორისო უნივერსიტეტმა მასალები უნდა წარადგინოს

საქართველოს განათლების, მეცნიერების, კულტურისა და სპორტის მინისტრის მიხეილ ბატიაშვილის განცხადებით, შავი ზღვის საერთაშორისო უნივერსიტეტის მხრიდან დავალიანების დაფარვა მნიშვნელოვანი და მისასალმებელი ფაქტია. როგორც ბატიაშვილმა მთავრობის სხდომის დასრულების შემდეგ განაცხადა, ახლა უკვე უნივერსიტეტმა უნდა დაიცვას პროცედურები, რაც სააპელაციო საბჭოსთვის მიმართვას გულისხმობს.

„ძალიან მნიშვნელოვანი ფაქტია უნივერსიტეტის მხრიდან ამ დავალიანების დაფარვა, რომელსაც მივესალმებით. ამის შესახებ უკვე თვითონ განათლების ხარისხის განვითარების ცენტრიდან გაკეთდა განცხადება, რომ არსებობს პროცედურა. ჩვენ ვალდებული ვართ სტუდენტების ინტერესებიდან გამომდინარე დავიცვათ ეს პროცედურები. ავტორიზაციის საბჭო არის დამოუკიდებელი, ექსპერტებისგან შექმნილი წარმომადგენლობითი ორგანო. იგი დამოუკიდებლად იღებს გადაწყვეტილებას და ამ გადაწყვეტილების გადახედვის ერთადერთი კანონიერი საშუალება სააპელაციო კომისიაა, სადაც უნივერსიტეტმა უნდა წარადგინოს თავისი მასალები. სააპელაციო კომისიის შემდეგ უნივერსიტეტმა უნდა მიმართოს ისევ ავტორიზაციის საბჭოს. ეს ყველაფერი კანონით არის განსაზღვრული. ეს არის კანონის გზა, რომელიც ყველამ უნდა დავიცვათ იმისთვის, რომ დავაკმაყოფილოთ რაც შეიძლება სწრაფად სტუდენტების ინტერესები. ის, რომ პროცედურა დაირღვეს, ეს გამორიცხულია. უფრო მნიშვნელოვანია უნივერსიტეტმა უფრო აქტიურად იმუშავოს სააპელაციო კომისიასთან, წარადგინოს ყველანირი მასალები და მტკიცებულებები“, - განაცხადა ბატიაშვილმა.

შავი ზღვის საერთაშორისო უნივერსიტეტის ადმინისტრაციამ ფინანსთა სამინისტროს საგამოძიებო სამსახურის მიერ დაკისრებული თანხა - 712 000 ლარის ოდენობით რამდენიმე დღის წინ დაფარა.

როგორც ცნობილია, ავტორიზაციის საბჭომ შავი ზღვის საერთაშორისო უნივერსიტეტს სტუდენტების მიღება ერთი წლით, სწორედ ფინანსური დავალიანების გამო შეუზღუდა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 19.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)