საზოგადოებრივი მაუწყებლიდან აგდებენ ადამიანებს, რომლებიც 24 საათი მუშაობენ და რომლებზეც დგას ტელევიზია, - ამის შესახებ „პალიტრანიუსის“ გადაცემაში „360 გრადუსი“ ჟურნალისტმა გიორგი ფოფხაძემ განაცხადა. „საზოგადოებრივი მაუწყებლის“ ევროპის ბიუროს ყოფილი კორესპონდენტის განცხადებით, მაუწყებელში რეალური ცვლილებები დაიწყება მაშინ, როდესაც საკადრო ცვლილებები არხის ხელმძღვანელობას შეეხება.

„მენეჯმენტი და ბორდია გასაყრელი და ესენი უშვებენ ტექნიკურ მხარეს, ოპერატორებს, ვისაც 300 ლარად „აპახავებენ“. ესენი აგდებენ იმ ადამიანებს, რომლებიც 24 საათი მუშაობენ და რომლებზეც ტელევიზია დგას. რა თქმა უნდა, სხვა თანამშრომლების მსგავსად, ვაპირებ სამართლებრივი პასუხი გავცე საზოგადოებრივი მაუწყებლის მენეჯმენტს“, - აღნიშნა გიორგი ფოფხაძემ.