ევროპარლამენტარი რებეკა ჰარმსი საქართველოს მოუწოდებს, რომ პარტიების დაფინანსების გამჭვირვალობა უზრუნველყოს. მისივე თქმით, საპრეზიდენტო არჩევნებისთვის ასევე აუცილებელია მედიაპლურალიზმის არსებობა.

„ისევე როგორც ყველა ქვეყანას, რომლებიც რთული ტრანსფორმაციის პროცესს გადიან, საქართველოსაც აქვს პრობლემები. როგორც ევროპარლამენტის წევრი და ევრონესტის საპარლამენტო ასამბლეის თავმჯდომარე, მოვუწოდებ საქართველოს და ვთხოვ კიდეც, უზრუნველყოფილი იყოს პარტიების დაფინანსების გამჭვირვალობა. იმედი მაქვს, რომ გარანტირებული იქნება მედიაპლურალიზმი, რასაც ასევე გადამწყვეტი მნიშვნელობა აქვს დემოკრატიული არჩევნების ჩატარებისთვის. ევროპარლამენტი გამოგზავნის დამკვირვებლებს საპრეზიდენტო არჩევნებისთვის და ისინი კარგ საქმეს გააკეთებენ“, - განუცხადა ტელეკომპანია „რუსთავი 2“-ს ევროპარლამენტარმა გერმანიიდან.