აშშ-ში, ალაბამას შტატში, ქალაქ ობერნში McDonald’s-ის რესტორანში უცნობმა პირმა ცეცხლი გახსნა. დაიღუპა 1 და დაჭრილია ოთხი ადამიანი. ამის შესახებ პოლიციაზე დაყრდნობით ტელეარხი Fox News იუწყება.

სროლის შესახებ შეტყობინება პოლიციაში ადგილობრივი დროით 02:30 საათზე შევიდა და ადგილზე აღმოაჩინა 20 წლამდე მამაკაცი, რომელიც ცეცხლსასროლი იარაღით მიყენებული ჭრილობებისგან გარდაიცვალა. ოთხი დაჭრილი საავადმყოფოშია გადაყვანილი, ერთ-ერთი მათგანის, 16 წლის მოზარდის ჯანმრთელობის მდგომარეობა მძიმეა. „წინასწარი ინფორმაციით, სროლას წინ შელაპარაკება უძღოდა“, - განაცხადეს პოლიციაში.

ეჭვმიტანილის ვინაობა ამ დროისთვის უცნობია.