თბილისის მასშტაბით 20 ათასამდე გამხმარი ფიჭვის ხის მოჭრა იგეგმება

თბილისის მასშტაბით 20 ათასამდე გამხმარი ფიჭვის ხეა მოსაჭრელად მონიშნული. როგორც „ინტერპრესნიუსს“ თბილისის მერიის გარემოს დაცვის საქალაქო სამსახურის უფროსმა გიგა გიგაშვილმა განუცხადა, მომავალი წლის ბიუჯეტში გათვალისწინებული იქნება 20 ათასამდე ხის მოჭრისა და ახლით ჩანაცვლების სამუშაოები.

მისივე თქმით, მოსაჭრელად მონიშნული ხეების ნაწილი კერძო პირების ტერიტორიაზეა და აღნიშნულის გამო მესაკუთრეებთან მოლაპარაკება მიმდინარეობს, რომ ხე–მცენარეების ჩანაცვლების პროცესში გარკვეული მონაწილეობა მათაც მიიღონ.

„ჩვენ უკვე დაგეგმილი გვაქვს და მომავალი წლის ბიუჯეტის შემუშვების პროცესში გავითვალისწინებთ როგორც მოჭრის, ასევე ჩანაცვლების სამუშაოებს. არ გვინდა, მოვჭრათ და გარკვეული ტერიტორიები ღია სივრცედ დარჩეს. გვინდა, რომ მოჭრის შემდეგ მოხდეს ახლო პერიოდშივე მათი ჩანაცვლება“, – განაცხადა საქალაქო სამსახურის უფროსმა.

მისივე თქმით, თბილისში ტყის მასივების ინვენტარიზაცია დაიწყეს და ეს პროცესი ნოემბრის ბოლოს დასრულდება.

„ასევე უნდა ჩატარდეს სრული ინვენტარიზაცია ურბანულ სივრცეში არსებული გამწვანების, რომელიც ბოლოს თბილისში 1986 წელს ჩატარდა. გვაქვს უცხოურ კომპანიებთან მოლაპარაკება, მონაწილეობა მიიღონ ამ ინვენტარიზაციის პროცესში. ეს ინვენტარიზაციაც 2019 წლის ბიუჯეტშია გათვალისწინებული“, – განაცხადა გიგა გიგაშვილმა.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა