ირინა სამსონია - განათლების სფერო მუდმივ განახლებას და ცვლილებებს საჭიროებს

განათლების სფერო მუდმივ განახლებას და ცვლილებებს საჭიროებს, ზოგადად, წლების განმავლობაში მუდმივად იცვლებოდნენ მინისტრები, - ამის შესახებ მასწავლებელთა პროფესიული განათლების ეროვნული ცენტრის ერთ-ერთი პროგრამის ხელმძღვანელი ირინა სამსონია აცხადებს.

„მოგეხსენებათ, მუდმივად იყო რაღაცნაირი დაპირებები ძირეული ცვლილებების შესახებ, მაგრამ ეს ხორციელდებოდა ეპიზოდურად, ხშირად არათანმიმდევრულად და ვფიქრობ, დგება ეტაპი, როდესაც ცვლილება აუცილებელია, უბრალოდ სისტემა მოითხოვს ძირეულ და მნიშვნელოვან ცვლილებებს. განათლების სფერო მოგეხსენებათ ყველაზე დინამიური სფეროა, ამიტომ აქ არის საჭირო მასზე დაკვირვება, გარკვეული გადაწყვეტილებების გადახედვა, სისტემის განახლება მუდმივად საჭიროა, ეს ამ სფეროს სპეციფიკაა. ამდენად მიმაჩნია, რომ რეფორმის შედეგად განხორციელებული ცვლილებები, რომელიც წლების წინ მოხდა, ზოგჯერ შეიძლება თვითონვე იქცეს შემაფერხებელ ფაქტორად. შესაძლებელია იმ ეტაპზე ეს იყო ძალიან პროგრესული ნაბიჯი, მაგრამ გარკვეული დროის შემდეგ შესაძლებელია თავად იქცეს სისტემის განვითარების შემაფერხებელ ფაქტორად. ამიტომ, ვფიქრობ, რომ ძირეული ცვლილებები გარკვეული პერიოდულობით ნამდვილად აუცილებელია“, - აცხადებს სამსონია.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?