თამარ ჯაყელი - ეს გაბედული ნაბიჯია, ცვლილებები განათლების სისტემას ნამდვილად სჭირდებოდა

ჩემი აზრით, ეს იყო ძალიან დროული გადაწყვეტილება, შეიძლება ითქვას, დაგვიანებულიც, იმის გამო, რომ უკვე კარგა ხანია ჩვენი სისტემა არის სტაგნაციაში, - ამის შესახებ ეროვნული სასწავლო გეგმების დეპარტამენტის ჰუმანიტარული მიმართულების ხელმძღვანელი თამარ ჯაყელი აცხადებს. მისი თქმით, იმ სტრუქტურით და მოცემულობით, რა მდგომარეობაშიც სისტემა იყო, რეალურად, ვერ ხერხდებოდა ზოგადი განათლების ხარისხის მკვეთრი გაუმჯობესება.

„აუცილებლად მინდა აღვნიშნო, რომ თითოეულ ამ პირს, ამ ადამიანს, ვინც გათავისუფლდა, აქვს რა საკვირველია, თავისი წვლილი შეტანილი განათლების სიტემის განვითარებაში და მე პატივისცემით მოვიხსენიებ ყველას, უბრალოდ, საჭიროა სისტემის მთლიანი განახლება, პირველ რიგში - კონცეპტუალური თვალსაზრისით.

ყველა ის სტრატეგია, ის ბერკეტი, რომელიც აქამდე ჩვენს სისტემაში მოქმედებდა, ვერ აუმჯობესებდა განათლების ხარისხს. ვერ ხდებოდა სერიოზული, არსებითი ცვლილებების შეტანა საკლასო ოთახში. ამ თვალსაზრისით, იმედი მაქვს ამ გადაწყვეტილებას მოჰყვება ძალიან მნიშვნელოვანი, სასიკეთო ცვლილებები ჩვენი მომავლისთვის, ჩვენი მოსწავლეებისთვისა და მასწავლებლებისთვის.

სრულად ვეთანხმები მინისტრის ამ გადაწყვეტილებას. დიდი პრობლემა იყო იმ მხრივ, რომ სისტემაში არ იყო კონცეპტუალური ერთიანობა, რაც არის აუცილებელი იმისთვის, რომ ძალისხმევა საერთო მიზნისკენ მიდიოდეს, სკოლა აბსოლუტურად იხლიჩებოდა. ამ მხრივ, იმედი მაქვს მდგომარეობა გამოსწორდება. უკვე იმდენად „გამკვრივებული“ იყო სიტუაცია, რომ ამის „გალღობას“ და „გადადნობას“, ეს ცვლილებები ნამდვილად სჭირდებოდა. ვფიქრობ, ეს გაბედული ნაბიჯია, რადგან დიდი ხანია უკვე ყველა გრძნობს ამას, მაგრამ ნაბიჯის გადადგმას ვერავინ ბედავდა”, - ამბობს თამარ ჯაყელი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს