განათლების სამინისტროსთან შავი ზღვის საერთაშორისო უნივერსიტეტის სტუდენტები საპროტესტო აქციას მართავენ

განათლების სამინისტროს შენობასთან შავი ზღვის საერთაშორისო უნივერსიტეტის სტუდენტები და აბიტურიენტები საპროტესტო აქციას მართავენ.

ისინი მოუწოდებენ განათლების სამინისტროს ხელმძღვანელობას, რომ ყურადღება დაუთმონ მათ პრობლემებს. ასევე, სტუდენტებმა აქციაზე მიიტანეს სპეციალური ჩანაწერი, რომელიც განათლების სამინისტროს მაღალჩინოსნების მიერ გაკეთებულ განცხადებებს ასახავს, თუ რატომ მიიღეს შავი ზღვის საერთაშორისო უნივერსიტეტთან დაკავშირებით არსებული გადაწყვეტილებები.

ამასთან, როგორც უნივერსიტეტის სტუდენტებმა ჟურნალისტებთან საუბრისას განცხადეს, ის, რომ განათლების ხარისხის განვითარების ეროვნული ცენტრის ხელმძღვანელი, თამარ სანიკიძე გათავისუფლდა თანამდებობიდან, მათ პრობლემებს არ ცვლის. შესაბამისად, სტუდენტების განმარტებით, მათი მოთხოვნები უცვლელია, რომ უნივერსიტეტმა წელს პირველკურსელების მიღების უფლება მიიღოს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი