ზაზა გაბუნია - სალომე ზურაბიშვილის საარჩევნო პროგრამა ისე იქნება ფორმულირებული, რომ მმართველი გუნდისთვის მისაღები იყოს

საპარლამენტო უმრავლესობის წევრის, ზაზა გაბუნიას განცხადებით, საპრეზიდენტო კანდიდატის, სალომე ზურაბიშვილის საარჩევნო პროგრამა ისე იქნება ფორმულირებული, რომ მმართველი გუნდისთვის მისაღები იყოს.

როგორც გაბუნიამ ტელეკომპანია „პალიტრანიუსის“ გადაცემაში „360 გრადუსი“ განაცხადა, სხვა შემთხვევაში მმართველი გუნდის მხარდაჭერა ზურაბიშვილს არ ექნებოდა.

„კულტურაზე, ეკონომიკაზე, უსაფრთხოებაზე, ტერიტორიულ მთლიანობაზე, ჯერ სალომე ზურაბიშვილს პროგრამულ დონეზე არ უსაუბრია. ეს ჯერ წინ არის. ეს საკითხები იმგვარად იქნება ფორმულირებული, რაც ღირებულებებისა და ხედვების თვალსაზისით მისაღები იქნება მმართველი გუნდისთვის. სხვა შემთხვევაში ჩვენი მხარდაჭერა სალომე ზურაბიშვილს არ ექნებოდა“, - აღნიშნა გაბუნიამ.