თემურ მურღულიას განცხადებით, განათლების მინისტრსა და მას შორის რიგ საკითხებთან დაკავშირებით განსხვავებული პოზიციები არსებობდა

მინისტრს აქვს ხედვა, რომელთანაც თვლის და მეც ნაწილობრივ ვეთანხმები, რომ ჩვენ განსხვავებული პოზიციები გვაქვს; ამიტომ ამ ნაწილში მინისტრის პოზიცია რელევანტურია, - ამის შესახებ „ინტერპრესნიუსს“ საქართველოს განათლების, მეცნიერების, კულტურისა და სპორტის მინისტრის ყოფილმა მოადგილემ, თემურ მურღულიამ მის გათავისუფლებასთან დაკავშირებით განუცხადა.

მურღულია გათავისუფლების კონკრეტულ მიზეზებზე არ საუბრობს და აცხადებს, რომ მას მინისტრის განცხადების გაკეთებამდე, ამაზე საუბარი არაეთიკურად მიაჩნია.

მისივე განცხადებით, ის მინისტრის მოადგილეობის პარალელურად ქუთაისის საუნივერსიტეტო კომპლექსის რექტორის მოვალეობის შემსრულებელი იყო და ამ თანამდებობაზე რჩება.

„იცით, რომ ამ თანამდებობისგან დამოუკიდებლად ვარ რექტორის მოვალეობის შემსრულებელი ქუთაისის საუნივერსიტეტო კომპლექსის და ჯერჯერობით იქ კიდევ არის საქმეები, რომელიც მისახედია. ამიტომ მომიწევს ამ ვალდებულებების შესრულება. მერე ვნახოთ! ქუთაისის საუნივერსიტეტო კომპლექსის პროექტირება მიმდინარეობს ძალიან ინტენსიურად, მზადდება აკადემიური გეგმა, გერმანელ პარტნიორებთან ერთად. ამ პარტნიორობამ გამოავლინა რამდენად დიდი მომზადება სჭირდება ისეთი დიდი უნივერსიტეტის მშენებლობას, რომელიც რამდენიმე ათეული წლის ოპერირებაზეა გათვლილი. ამიტომ ბუნებრივია, ამან გარკვეული შეფერხებები განაპირობა. ყველა ფაკულტეტის აკადემიური გეგმა არის დასრულების ფაზაზე, ასევე შემოდგომაზე უნივერსიტეტი დაიწყებს ფართო აქტივობებს სკოლებში, რომ დააინტერესოს მომავალი სტუდენტები სწორედ ამ უნივერსიტეტში ჩაბარებით“, - განაცხადა მურღულიამ.

ცნობისთვის, საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა გუშინ მინისტრის მოადგილეები თემურ მურღულია და ლია გიგაური, ასევე განათლების ხარისხის განვითარების ეროვნული ცენტრის დირექტორი თამარ სანიკიძე, მასწავლებელთა პროფესიული განვითარების ეროვნული ცენტრის დირექტორი გიორგი მაჩაბელი, საქართველოს ეროვნული სამეცნიერო ფონდის გენერალური დირექტორი მანანა მიქაბერიძე, შეფასებისა და გამოცდების ეროვნული ცენტრის დირექტორი მაია მინინოშვილი თანამდებობიდან გაათავისუფლა.

მიხეილ ბატიაშვილის განცხადებით, პრობლემები იყო გრიფირების პროცესთან და სკოლებში არსებულ ტექნიკურ სხვადასხვა დარღვევებთან დაკავშირებით.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო