გიორგი ბეგაძე - რეფორმების განხორციელებაში დედაქალაქის მერი საზოგადოების ფართო მხარდაჭერას იმსახურებს

„რეფორმების განხორციელებაში დედაქალაქის მერი საზოგადოების ფართო მხარდაჭერას იმსახურებს,“ - ამის შესახებ ფრაქცია „ქართული ოცნება - მწვანეების“ წევრმა გიორგი ბეგაძემ განაცხადა. როგორც „ინტერპრესნიუსს“ პარლამენტის პრესსამსახურიდან აცნობეს, გიორგი ბეგაძე ტაქსების რეფორმასთან დაკავშირებით დედაქალაქის მერის ინიციატივებს მიესალმება.

„ჩვენს დედაქალაქს ერთი მხრივ, აუცილებლად სჭირდება ყველა სფეროში მომსახურეობის ხარისხის გაუმჯობესება, მეორე მხრივ, ისეთი გადაწყვეტილებების მიღება, რაც დაეხმარება შესაბამის სფეროში მეწარმეებს და დასაქმებულებს თავიანთი საქმიანობის უკეთ განხორციელებაში. ასეთ გზებს ეძებს და სწორ გადაწყვეტილებებს იღებს დედაქალაქის მერი კახი კალაძე. ამ რეფორმების განხორციელებაში დედაქალაქის მერი საზოგადოების ფართო მხარდაჭერას იმსახურებს. ამჯერად მხედველობაში მაქვს ტაქსების რეფორმის კიდევ ერთი ახალი ინიციატივა, რომელიც ტაქსების ჰიგიენური მდგომარეობის მოწესრიგებას ეხება. მნიშვნელოვანი სიახლეა, რომ ტაქსებში მეტი სისუფთავის უზრუნველყოფის მიზნით, შესაბამისი კრიტერიუმების მქონე ტაქსებს გადაეცემათ ავტომანქანის სალონის ქიმიური წმენდის ვაუჩერები.

აღსანიშნავია, რომ ტაქსის მფლობელებს არ მოუწევთ არც ერთი ლარის გადახდა და არც ქალაქის ბიუჯეტიდან დაიხარჯება ფინანსები. ასევე მნიშვნელოვანია, რომ ეკონომიკურად აქტიურ ზონებში ტაქსებისთვის უკვე შერჩეულია ლოკაციები, რომლითაც მხოლოდ ტაქსის მძღოლები ისარგებლებენ და რაც მთავარია უფასოდ. ასეთი მიდგომებით მნიშვნელოვნად ხელი შეეწყობა ტაქსის ბაზრის განვითარებას და მომხმარებელიც მიიღებს გაცილებით მაღალი ხარისხის მომსახურებას. გადადგმული ნაბიჯები არის ძალიან მნიშვნელოვანი, ჩვენი დედაქალაქისთვის და ჩვენი მოსახლეობის ინტერესებზეა მორგებული,” - განაცხადა გიორგი ბეგაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე