ირმა ინაშვილი - „ქართულ ოცნებას" სამართლიანობის აღდგენის დაპირება რომ შეესრულებინა, პარლამენტში არ ვიხილავდით დანაშაულებრივი რეჟიმის წარმომადგენლებს

„ქართულ ოცნებას" თავის დროზე სამართლიანობის აღდგენასთან დაკავშირებით მთავარი დაპირება რომ შეესრულებინა, მაშინ პარლამენტში ჩვენ არ ვიხილავდით ამ რეჟიმის წარმომადგენლებს, - ამის შესახებ პარლამენტის ვიცე - სპიკერმა, ფრაქცია „საქართველოს პატრიოტების“ თავმჯდომარე ირმა ინაშვილმა ჟურნალისტებთან საუბრისას განაცხადა.

ირმა ინაშვილის თქმით, მას ნაკლებად აქვს იმედი, რომ მმართველი პარტია ფრაქცია „საქართველოს პატრიოტების“ მიერ მომზადებულ რეზოლუციას დაუჭერს მხარს, რომელიც „ნაციონალური მოძრაობის“ მმართველობის დანაშაულებრივ რეჟიმად გამოცხადებას და წინა ხელისუფლების მაღალი თანამდებობის პირების სამართლებრივ პასუხისმგებლობაში მიცემას ითვალისწინებს.

„რატომ უნდა მქონდეს მხარდაჭერის იმედი „ქართული ოცნების“ მხრიდან? წლების მანძილზე ჩვენ ვხედავთ, რომ სწორედ „ქართული ოცნება“ აცოცხლებდა ბოკერიებს, პოლიტიკური ოპონირების საშუალებას აძლევდა მათ და გადაარჩინეს ეს დამნაშავე პოლიტიკოსები.

ჩვენ გვინდა, რომ ამ რეზოლუციით ეს პოლიტიკური განურჩევლობა დასრულდეს საქართველოში“, - განაცხადა ირმა ინაშვილმა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა