გიორგი ტყემალაძე - ტაქსების რეგულაციებზე მერის ინიციატივა ეფექტიანი, სწორი, რეალური და განხორციელებადია

თბილისის საკრებულოს თავმჯდომარე გიორგი ტყემალაძე საკრებულოს სხდომაზე გამოეხმაურა დედაქალაქის მერის კახა კალაძის განცხადებას და ინიციატივას ტაქსების უფასოდ გადაღებვასთან და უფასო ქიმწმენდის სერვისთან დაკავშირებით.

გიორგი ტყემალაძის განცხადებით, ეს არის მნიშვნელოვანი რეფორმის მნიშვნელოვანი ნაწილი. მისივე თქმით, ეს არის ინიციატივა, რომელიც კერძო სექტორის და ქალაქის მთავრობის მომავალი, ერთობლივი თანამშრომლობის საკმაოდ საინტერესო პრეცედენტი იქნება.

„ტაქსის მძღოლებს შესაძლებლობა ექნებათ სრულიად უფასოდ გადაღებონ მანქანები თეთრ ფერად. აქვე მინდა აღვნიშნო, რომ ქალაქის ბიუჯეტიდან არცერთი თეთრი არ დაიხარჯება. ამას განახორციელებს მერიის მიერ გამოცხადებულ კონკურსში გამარჯვებული კომპანია, რომელსაც ექნება ინტერესი, რომ ტაქსებზე განათავსოს საკუთარი რეკლამა. ეს არის კერძო სექტორის და თვითმმართველობის ერთობლივი პროექტი. მე დარწმუნებული ვარ, რომ ჩვენ უკვე უახლოეს მომავალში მივიღებთ ამის შედეგებს“,- განაცხადა გიორგი ტყემალაძემ.

თბილისის საკრებულოს თავმჯდომარე გამოეხმაურა ოპოზიციის განცხადებას, რომ ეს პროექტი არამომგებიანია კერძო სექტორისთვის.

„შესაბამისი პროცედურების გავლით, გამოცხადდება კონკურსი. დარწმუნებული ვარ, რომ კერძო სექტორიდან იქნება ინტერესი და ერთი წლის განმავლობაში გვექნება და გვეყოლება ერთი მხრივ, იდეალურად მოწესრიგებული ტაქსები და რაც უმნიშვნელოვანესია, მგზავრებისთვის ეს სერვისი იქნება უსაფრთხო და კომფორტული. ამ მოდელით მივიღებთ წარმატებულ რეფორმას, “- განაცხადა გიორგი ტყემალაძემ.

თბილისის საკრებულოს თავმჯდომარემ მერის ინიციატივას ეფექტიანი, სწორი, რეალური და განხორციელებადი უწოდა, რომელიც მომავალში კერძო სექტორსა და თბილისის თვითმმართველობას შორის წარმატებული თანამშრომლობა მოჰყვება.

ინფორმაციას საკრებულოს პრესსამსახური ავრცელებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა