თამაზ მეჭიაური - თუ ვიმსჯელებთ რეიტინგიდან გამომდინარე, სალომე ზურაბიშვილის შანსები არც თუ ისე მაღალია, თუმცა, ბიძინა ივანიშვილის მოწოდება გარკვეულად დადებით გავლენას მოახდენს ამომრჩეველთა განწყობაზე

ჩემთვის დახმარება ამ არჩევნებში არავის უთხოვია, რამდენადაც მე ვიცი, ეს საკითხი ზაქარია ქუცნაშვილს ჩააბარეს, - ამის შესახებ თიანეთის მერმა თამაზ მეჭიაურმა „პალიტრანიუსის“ გადაცემაში „360 გრადუსი“ საპრეზიდენტო არჩევნებზე საუბრისას განაცხადა. მისი თქმით, სახელისუფლებო გუნდს მისთვის სალომე ზურაბიშვილისთვის მხარდაჭერაში დახმარება არ უთხოვია. თუმცა, მეჭიაური მიიჩნევს, რომ ბიძინა ივანიშვილის მოწოდება სალომე ზურაბიშვილის მხარდაჭერისკენ დადებით გავლენას მოახდენს ამომრჩეველზე.

„მე ვეცდები უფრო ნეიტრალური ვიყო ამ შემთხვევაში, რადგან არ ვარ „ქართული ოცნების“ წევრი, თანაც ჩემთვის ამ არჩევნებში დახმარება არავის უთხოვია. მხედველობაში მაქვს სახელისუფლებო ვერტიკალი. მთლიანად ეს საკითხი, რამდენადაც მე ვიცი, ზაქარია ქუცნაშვილს და მის გუნდს ჩააბარეს. თუ ვიმსჯელებთ მათი რეიტინგიდან გამომდინარე, სალომე ზურაბიშვილის შანსები არც თუ ისე მაღალია, თუმცა, ბიძინა ივანიშვილის მოწოდება გარკვეულად დადებით გავლენას მოახდენს ამომრჩეველთა განწყობაზე“, - განაცხადა მეჭიაურმა.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი