რუსეთის თავდაცვის სამინისტრომ საქართველოში ლუგარის ლაბორატორიის საკითხს საგანგებო ბრიფინგი მიუძღვნა და ქართული და ამერიკული მხარეებისგან განმარტებები მოითხოვა
რუსეთის თავდაცვის სამინისტრო იმედოვნებს, რომ საქართველო და აშშ განმარტავენ, თუ რატომ ინახება „ლუგარის ლაბორატორიაში“ ქიმიური და ბიოლოგიური იარაღის საბრძოლო მასალა, - ამის შესახებ რუსეთის თავდაცვის სამინისტროში გამართულ საგანგებო ბრიფინგზე შეიარაღებული ძალების რადიაცული, ქიმიური და ბიოლოგიური თავდაცვის ჯარების მეთაურმა, გენერალ-მაიორმა იგორ კირილოვმა განაცხადა.
მისივე თქმით, უწყების სპეციალისტებმა შეისწავლეს ის მასალები, რომლებიც რიჩარდ ლუგარის სახელობის საზოგადოებრივი ჯანდაცვის ცენტრში აშშ-ს საქმიანობის შესახებ საქართველოს უშიშროების ყოფილმა მინისტრმა იგორ გიორგაძემ გამოაქვეყნა და „რიგ პატენტებში ქიმიური და ბიოლოგიური რეცეპტურების მიწოდებისთვის საჭირო სხვადასხვა ტიპის საბრძოლო მასალა არის მითითებული“.
„ჩნდება კანონზომიერი კითხვა - რატომ ინახება ასეთი დოკუმენტები რიჩარდ ლუგარის სახელობის საზოგადოებრივი ჯანდაცვის ცენტრში? იმედი გვაქვს, რომ ქართული და ამერიკული მხარეები ამაზე მკაფიო პასუხს გაგვცემენ“, - განაცხადა კირილოვმა.
აღსანიშნავია, რომ რუსეთის თავდაცვის სამინისტროში ბრიფინგი სპეციალურად ამ თემასთან დაკავშირებით გაიმართა.
v-if="article.gallery" v-html="article.gallery"
