„ქიმიური ნივთიერებების მდგრადი  მართვის შესაძლებლობების გაძლიერების" საკითხებზე შეხვედრა გაიმართა

გარემოს დაცვისა და სოფლის მეურნეობის სამინისტროსა და ჩეხეთის განვითარების სააგენტოს (CzDA) ორგანიზებით, „ქიმიური ნივთიერებების მდგრადი მართვის შესაძლებლობების გაძლიერების" საკითხებზე შეხვედრა გაიმართა.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, შეხვედრის მონაწილეებმა ქიმიური ნივთიერებების მართვის სისტემის ევროპულ მოდელთან შესაბამისობაში მოყვანის, კანონმდებლობის შემუშავების და შესაძლებლობების გაძლიერების საკითხები განიხილეს. მათივე ინფორმაციით, ჩეხეთის განვითარების სააგენტოს მხარდაჭერით, საერთაშორისო გამოცდილებისა და ცოდნის გაზიარება მნიშვნელოვან როლს შეასრულებს საქართველოში ქიმიური ნივთიერებების მართვის ეფექტიანი სისტემის შექმნის პროცესში.

უწყების ცნობით, სამუშაო შეხვედრის ფარგლებში, გარემოსდაცვითი მომსახურებისა და ტექნოლოგიების საერთაშორისო მიმწოდებელი კომპანიების DEKONTA-სა და MEDISTYL-ის წარმომადგენლებმა შეხვედრის მონაწილეებს „ქიმიური ნივთიერებების რაციონალური მართვის პოტენციალის შექმნა - CLP და REACH რეგულაციების დანერგვა“ პროექტი გააცნეს.

შეხვედრას სხვადასხვა სახელმწიფო უწყების წარმომადგენლები ესწრებოდნენ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში