„ომეგა ჯგუფში" შემავალი „ბეემვეს ცენტრის" დირექტორის მოადგილემ სასამართლოში გამოკითხვა მოითხოვა
„ომეგა ჯგუფში" შემავალი „ბეემვეს ცენტრის" დირექტორის მოადგილე ალექსანდრე ხაჩიშვილმა სასამართლოში გამოკითხვა მოითხოვა.
როგორც თბილისის პროკურატურიდან გამოსვლის შემდეგ ალექსანდრე ხაჩიშვილმა განაცხადა, მან გამოიყენა მისთვის კანონით მინიჭებული უფლება და მოსამართლის თანდასწრებით გამოკითხვა მოითხოვა.
„ვისარგებლე კანონით მონიჭებული უფლებით, რომ სასამართლოს წინაშე, მოსამართლის თანდასწრებით მივცე ჩვენება", - აღნიშნა ხაჩიშვილმა.
ცნობისთვის, დღესვე, თბილისის პროკურატურაში 15:00 საათზე „ომეგა ჯგუფში" შემავალი კიდევ ერთი კომპანიის წარმომადგენელს ელოდებიან. ჯერ უცნობია მოითხოვს თუ არა ისიც სასამართლოში გამოკითხვას.
შეგახსენებთ, რომ "ომეგა ჯგუფის" საქმესთან დაკავშირებით არაერთი აუდიოჩანაწერი გავრცელდა,რომელზეც პროკურატურამ გამოძიება 12 სექტემბერს, 180-ე მუხლის მესამე ნაწილის "ბ" ქვეპუნქტით დაიწყო, რაც სხვისი კუთვნილი დიდი ოდენობით ფულადი თანხის მოტყუებით დაუფლებას გულისხმობს.
v-if="article.gallery" v-html="article.gallery"
