კახა კალაძე - „ომეგა ჯგუფმა" საბიუჯეტო დავალიანების გადახა დაიწყო, შესაბამისად, მუშაობა გააგრძელა

„ომეგა ჯგუფმა" საბიუჯეტო დავალიანების გადახა დაიწყო, შესაბამისად, მუშაობა გააგრძელა, - ამის შესახებ თბილისის მერმა კახა კალაძემ "ომეგა ჯგუფის" წარმოების განახლებასთან დაკავშირებით განაცხადა.

"საბიუჯეტო დავალიანების გადახდა, კომპანიამ დაიწყო. თუ არ ვცდები რამდენიმე მილიონია უკვე გადახდილი. შესაბამისად, მუშაობა გააგრძელა. ჩვენთვის ბიზნესი მნიშვნელოვანია, ბიზნესი არის სფერო, რომელიც ქვეყანაში ქმნის კეთილდღეობას, ხელს უწყობს ეკონომიკურ განვითარებას, ადამიანებს ასაქმებს. ის მიდგომები, რომელიც ხელისუფლებას აქვს ბიზნესის მიმართ ძალიან მნიშვნელოვანია, რათა ჩვენ ხელი შევუწყოთ ქვეყნის ეკონომიკურ განვითარებას და წინსვლას", - განაცხადა კალაძემ.

ფინანსთა სამინისტროს შემოსავლების სამსახურის ინფორმაციით, ამ ეტაპზე „ომეგა ჯგუფი“ ამზადებს წინადადებების პაკეტს ვალის მომსახურების ახალი გრაფიკის შეთანხმების თაობაზე, რომელიც უნდა წარმოადგინოს უახლოესი დღეების განმავლობაში.

„26 ოქტომბერს, კომპანია „ოჯთ“-მ, სახელმწიფო ბიუჯეტში, კომპანიის მიერ დაგროვილი ვალის მომსახურების მიზნით, ჩარიცხა 1 მილიონი ლარი. კომპანიამ ითხოვა წარმოების განახლების ნებართვა, დაგროვებული ვალების ქმედითად მომსახურებისა და სამუშაო ადგილების შენარჩუნების მიზნით.

შემოსავლების სამსახურმა გაითვალისწინა კომპანია ,,ოჯთ"-ს თხოვნა და კომპანიის ანგარიშს მოხსნა ინკასო, ასევე, ყადაღა მოეხსნა მხოლოდ საბრუნავ საშუალებებს, იმისათვის, რომ კომპანიას მიეცეს წარმოების განახლების შესაძლებლობა. ასევე, ,,ოჯთ"-მ, კანონმდებლობით დადგენილი წესით, შეიძინა აქციზური მარკები წარმოების პროცესის უზრუნველსაყოფად“, - ნათქვამია შემოსავლების სამსახურის მიერ გავრცელებულ განცხადებაში.

იხილეთ ვიდეო: კახა კალაძე - "ომეგა ჯგუფმა" საბიუჯეტო დავალიანების გადახდა დაიწყო, შესაბამისად, მუშაობა გააგრძელა

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი