რუსთაველის გამზირზე, ოპერასთან შეკრებილი აქციის მონაწილეები „ევროპის მოედნამდე“ ფეხით მსვლელობას აწყობენ. აქციის ორგანიზატორების განცხადებით, ამ მსვლელობით ისინი კიდევ ერთხელ შეახსენებენ მოქალაქეებს იმ დანაშაულებრივ ქმედებებს, რომელიც ყოფილმა ხელისუფლებამ მშვიდობიანი აქციის მონაწილეების წინააღმდეგ 11 წლის წინ, 2007 წლის 7 ნოემბერს განახორციელა.
როგორც აქციის მონაწილეები აღნიშნავენ, ეს არის სიმბოლური გზა, რომელიც მათ 11 წლის წინ გაიარეს და რომლის მეშვეობითაც დაიწყო „ნაციონალური მოძრაობის“ რეჟიმის დასასრული.