რომან გოცირიძე - ლარის გაუფასურებაში დამნაშავეა მთავრობა და ეროვნული ბანკი ე.წ. “იაფი ფულის“ პოლიტიკით, რომელიც მოქალაქეებსა და ბიზნესს ძალიან ძვირი უჯდება

ფრაქცია “ნაციონალური მოძრაობის“ თავმჯდომარის აზრით, ლარის გაუფასურებაში პირდაპირ არის დამნაშავე მთავრობა და ეროვნული ბანკი ე.წ. “იაფი ფულის“ პოლიტიკით, რომელიც მოქალაქეებსა და ბიზნესს ძალიან ძვირი უჯდება.

როგორც დეპუტატი აცხადებს, მთავრობა თავისი უგუნური ქმედებებით აუფასურებს ლარს.

“6 ნოემბერს, ხაზინამ 150 მილიონი ლარი კიდევ ასესხა კომერციულ ბანკებს, მაშინ როცა ამ მძიმე ვითარებაში თავი უნდა შეეკავებინა ყოველგვარი მსგავსი ოპერაციებისაგან.

მთავრობა თავის ანგარიშებზე აგროვებს ფულს გადასახადების, გრანტებისა და ვალის აღების გზით. შემდეგ ამ ფულს ვერ ხარჯავს ბიუჯეტის გეგმის შესაბამისად. ერთი შეხედვით, ამან დადებითად უნდა იმოქმედოს ლარზე, რადგან ამოაქვს ფული მიმოქცევიდან, მაგრამ როგორც იტყვიან, ვერ მოგართვით! - მთელი ნაგროვები ნაშთი 1, 175 მილიარდი ლარის ოდენობით, ხაზინამ კომერციულ ბანკებზე გაასესხა. შესაბამისად, ეს ფული მიდის მიმოქცევაში და მისი ნაწილი ხვდება სავალუტო ბაზარზე.

ამას დამატებული ეროვნული ბანკის მიერ სულ უფრო მზარდი ოდენობით გაცემული რეფინანსირების სესხები (1, 570 მილიარდი ლარი დღევანდელი მდგომარეობით) და დავინახავთ, რომ მთავრობა და ეროვნული ბანკი სამ მილიარდამდე ლარს აწვდიან ბანკებს ამ კრიზისულ ვითარებაში. მიზანი ”ეკონომიკური ზრდის წახალისება” და ”ბანკებისათვის მიკლევადიანი ლიკვიდობის მიწოდებაა”. სინამდვილეში, ასეთი მოქმედება აუფასურებს ლარს, რომლის არასტაბილურობაც არის ეკონომიკური ზრდის მთავარი შემაფერხებელი ფაქტორი.

მოკლედ, როცა ვამბობთ ბიჯეტიდან მილიარდები არის დასახარჯიო, ეს სინამდვილეში უკვე ”დახარჯულია” და დარჩენილ ორ თვეზე ნაკლებ დროში მართლა დასახარჯია 3,2 მილიარდი ლარი, ანუ იმაზე მეტი, რაც წლის ბოლო სამ თვეში უნდა დახარჯულიყო გეგმით“, - აცხადებს რომან გოცირიძე.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია