ელიზაბეთ რუდი - აშშ ყოველთვის მოუწოდებდა და მოუწოდებს რუსეთს, შეასრულოს 2008 წლის შეთანხმების პირობები
აშშ ყოველთვის მოუწოდებდა და მოუწოდებს რუსეთის ფედერაციას შეასრულოს 2008 წლის შეთანხმების პირობები, - ამის შესახებ აშშ-ს ელჩის მოვალეობის შემსრულებელმა ელიზაბეთ რუდმა სოფელ ატოცში მავთულხლართების მონტაჟთან დაკავშირებით დასმული კითხვის პასუხად განაცხადა.
„ამერიკის შეერთებული შტატები ყოველთვის გმობდა და გმობს რუსეთის ფედერაციის ქმედებებს ადმინისტრაციულ საზღვართან, „სამხრეთ ოსეთთან“ და აფხაზეთთან. ყოველთვის მოუწოდებდა და მოუწოდებს რუსეთს, შეასრულოს 2008 წლის შეთანხმების პირობები, გაიყვანოს ჯარები ომამდე არსებულ პოზიციამდე, წაიღოს აფხაზეთისა და „სამხრეთ ოსეთის“ დამოუკიდებელ ქვეყნებად აღიარება და ამ რეგიონებს ჰუმანიტარული ხელმისაწვდომობის ნება დართოს", - განაცხადა რუდმა.
