ხაშურში ბავშვთა ნახატების გამოფენა მოეწყო

ხაშურის ბავშვთა და მოზარდთა შემოქმედებითი განვითარების ცენტრში საბავშვო ნახატების გამოფენა გაიხსნა.

როგორც „ინტერპრესნიუსს“ ხაშურის მუნიციპალიტეტიდან აცნობეს, გამოფენა თემაზე – „მრავალფეროვნება გვაერთიანებს - საქართველო და ლატვია“, პროექტ „პლატფორმას“ ფარგლებში მოეწყო, რომელიც ხაშურთან დამეგობრებული ლატვიის ქალაქ ბაუსკას ინიცირებით, ხაშურის მუნიციპალიტეტის ჩართულობით და ევროკავშირის მხარდაჭერით ბაუსკასა და ხაშურში ხორციელდება.

გამოფენის გახსნას ესწრებოდნენ მუნიციპალიტეტის მერიის, ხაშურის ბავშვთა და მოზარდთა შემოქმედებითი განვითარების ცენტრის, მუნიციპალიტეტის საჯარო სკოლების წარმომადგენლები, ნორჩი მხატვრები და მათი მშობლები. გამოფენაზე ხაშურის მუნიციპალიტეტის სკოლების მოსწავლეთა 50-ზე მეტი ნამუშევარი იყო წარმოდგენილი, რომელიც სამ ასაკობრივ ჯგუფად დაიყო.

მუნიციპალიტეტის ინფორმაციით, კონკურსის ყველა მონაწილე მონაწილეობის დამადასტურებელ სერტიფიკატს მიიღებს, სამი ასაკობრივი ჯგუფის ცხრა გამარჯვებული ნამუშევარი კი ლატვიაში, ხაშურთან დამეგობრებულ ქალაქ ბაუსკაში გამოიფინება. გამოფენის გახსნას ბაუსკას მერიის თანამშრომლებისა და ხაშურის მუნიციპალიტეტის დელეგაციის გარდა დაესწრებიან სტუმრები მოლდოვას ქალაქ სოროკადან, ასევე ლატვიაში საქართველოსა და მოლდოვას საელჩოების წარმომადგენლები.

კონკურსის გამარჯვებულებს ლატვიის ადგილობრივი თვითმმართველობის ასოციაცია სპეციალური პრიზებით დააჯილდოებს.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს