ზაზა სარალიძე - მერაბ მორჩაძესთან დაკავშირებით პრეტენზია არ მქონია და არც მექნება - ვინც არის პასუხისგებაში მისაცემი, ის მისცენ

მორჩაძესთან დაკავშირებით მე პრეტენზია არ მქონია და არც მექნება - ვინც არის პასუხისგებაში მისაცემი, ის მისცენ და ვიღაცების მოძებნას და ვითომ საქმის გადაფარვას შეეშვან,- ამის შესახებ „ინტერპრესნიუსს" ზაზა სარალიძემ, ხორავას ქუჩაზე მოკლული მოზარდების საქმეში მოწმეზე ზემოქმედების ბრალდებით დაკავებული მერაბ მორჩაძის პატიმრობიდან გათავისუფლების საკითხის კომენტირებისას განუცხადა.

სარალიძის თქმით, მორჩაძის საქმე ხელისუფლების მხრიდან თამაში იყო, რომ „თითქოს შსს და პროკურატურა რაღაცას აკეთებს".

„ვერანაირ შეფასებას ვერ გავაკეთებ იმიტომ, რომ ეს პიროვნება როცა პასუხისგებაში მისცეს, მაშინაც გაურკვეველი იყო რა მოტივით იყო პასუხისგებაში მიცემული. ეს მგონია ისევ თამაში ხელისუფლების მხრიდან. ჩემი აზრით, ის მაშინ პასუხისგებაში მისცეს სუბელიანის თამაშის გამო, რომ თითქოსდა რაღაცას აკეთებს შსს და პროკურატურა. ეს იყო უსაფუძვლო ნაბიჯები. რაც შეეხება მოწმეების მოსყიდვას და დაშინებას, იმდენი ადამიანი ჰყავთ პასუხისგებაში მისაცემი, რომ თითები არ გვეყოფა მის ჩამოსათვლელად“, - განაცხადა სარალიძემ.

ხორავას ქუჩაზე მომხდარი მკვლელობის საქმის ფარგლებში მოწმეზე ზემოქმედების ბრალდებით დაკავებული მერაბ მორჩაძე სხდომათა დარბაზიდან გაათავისუფლეს. მერაბ მორჩაძე საპროცესო შეთანხმების საფუძველზე გათავისუფლდა და მას ორწლიანი პირობითი სასჯელი შეეფარდა.

შეგახსენებთ, რომ მერაბ მორჩაძე 8 ივნისს სსკ-ის 372-ე მუხლით დააკავეს, რაც მოწმეზე ზემოქმედებას გულისხმობს, საუბარია საქმის ერთ-ერთ მთავარ მოწმე მიხეილ კალანდიაზე.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის