თქვენ ექვემდებარებით ივანიშვილის პოლიტიკურ ხუშტურებს, - ასე მიმართა ცესკოს თავმჯდომარეს, თამარ ჟვანიას "ნაციონალური მოძრაობის" წევრმა თინა ბოკუჩავამ. მისი თქმით, არჩევნების თარიღი წინასწარ შეთანხმებულია.
"გთხოვთ, ნუ ჩაყვებით ივანიშვილს წაგებულ თამაშში. კალაძემ და ივანიშვილმა გადაგიწყვიტეს არჩევნების დღე. მათთვის იმიტომ არის ეს დღე მიუღებელი, რომ ერთი დღე დათო სარალიძის გარდაცვალებას, ხოლო მეორე დღე თემირლან მაჩალიკაშვილის დაბადების დღეს ემთხვევა და არ მგონია ამის შესახებ პირველად გაგეგოთ", - აღნიშნა თინა ბოკუჩავამ.
თამარ ჟვანიას განცხადებით, ეს არის პოლიტიკური გამოსვლა და დეპუტატს მოუწოდა, თავი შეიკავოს პოლიტიკური განცხადებებისგან. მისი თქმით, ცესკო კანონის დაცვით ასრულებს თავის საქმიანობას.