დავით კირთაძემ ცესკოს სხდომა პროტესტის ნიშნად დატოვა

ცენტრალური საარჩევნო კომისიის წევრმა დავით კირთაძემ, ცესკოს სხდომა პროტესტის ნიშნად დატოვა. როგორც კირთაძემ „ინტერპრესნიუსთან“ საუბრისას განაცხადა, საარჩევნო კომისია ვერ და არ უზრუნველყოფს ამომრჩეველთა ნებას და უხეშად არღვევს მათ უფლებას. კირთაძის შეფასებით, ცენტრალური საარჩევნო კომისია, სალომე ზურაბიშვილის საარჩევნო შტაბად გადაიქცა.

„ჩემი მოთხოვნა იყო, რომ არჩევნების თარიღი ჩაინიშნოს არასამუშაო დღეს, რაც საშუალებას მისცემს როგორც საზღვარგარეთ მცხოვრებ ჩვენს თანამოქალაქეებს, ისე ემიგრანტებს, არჩევნებში მონაწილეობის. სამწუხაროდ, კომისიამ, ეს არ გაითვალისწინა. მათ წინასწარ აქვთ აღნიშნულზე გადაწყვეტილება მიღებული და სამწუხაროა, რომ ცესკო დაემსგავსა სალომე ზურაბიშვილის საარჩევნო შტაბს. ამის გამო მივიღე გადაწყვეტილება, რომ დამეტოვებინა სხდომა, რადგან იქ ყოფნის აზრს ვერ ვხედავ“, - განაცხადა დავით კირთაძემ.

ცესკომ საპრეზიდენტო არჩევნების მეორე ტური 28 ნოემბერს დანიშნა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა