საქართველოს მეგობართა ჯგუფის ქვეყნების საგარეო საქმეთა მინისტრებმა, ეუთო-ს მინისტრთა საბჭოს 25-ე სხდომის ფარგლებში, საქართველოს მიმართ მკაფიო მხარდაჭერა კიდევ ერთხელ გამოხატეს. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.
მათივე ცნობით, ეუთო-ს მინისტრთა საბჭოს 25-ე სხდომის ფარგლებში, ეუთო-ში საქართველოს მეგობართა ჯგუფი ხვალ ეუთო-ს სხდომაზე საქართველოსთან დაკავშირებით ერთობლივ განცხადებას მიიღებს.
„მეგობართა ჯგუფში შემავალი ქვეყნების საგარეო უწყების ხელმძღვანელებმა ერთობლივი ფოტო გადაიღეს. აღსანიშნავია, რომ ეუთო-ს მინისტრთა საბჭოს 25-ე სხდომის ფარგლებში ეუთო-ში საქართველოს მეგობართა ჯგუფი ხვალ ეუთო-ს სხდომაზე ერთობლივ განცხადებას მიიღებს საქართველოსთან დაკავშირებით. ეუთო-ში საქართველოს მეგობართა ჯგუფის მიზანია, ორაგანიზაციის ფარგლებში საქართველოსთან დაკავშირებული საკითხების სათანადო წარმოჩენას შეუწყოს ხელი“, - ნათქვამია ინფორმაციაში. აღსანიშნავია, რომ საქართველოს მეგობართა ჯგუფში შედიან: ბულგარეთი, კანადა, ესტონეთი, ლიეტუვა, ლატვია, პოლონეთი, რუმინეთი, შვედეთი, უკრაინა, ნორვეგია, აშშ და დიდი ბრიტანეთი.