ე.წ. თერგის ბაზრობაზე გაჩენილი ხანძრის შედეგად დაზარალებული კახა კალაძესთან შეხვედრას ითხოვს

თევდორე მღვდლის ქუჩაზე, ე.წ. თერგის ბაზრობაზე გაჩენილი ხანძრის შედეგად დაზარალებული გიორგი ლომაძე თბილისის მერთან კახა კალაძესთან შეხვედრას ითხოვს. ლომაძე მერიის შენობასთან დღეს შვილებთან და უფლებადამცველთა ასოციაციის წარმომადგენელ ნიკა მემანიშვილთან ერთად მივიდა. ჟურნალისტებთან საუბრისას ე.წ.თერგის ბაზრობაზე გაჩენილი ხანძრის შედეგად დაზარალებულმა გიორგი ლომაძემ განაცხადა, რომ აღნიშნულ ბაზრობაზე სასაწყობო ფართს ფლობდა და 100 ათასი ლარის ღირებულების საქონელი გაუნადგურდა. მისივე თქმით, დახმარების მიზნით არაერთ უწყებას მიმართა, თუმცა უშედეგოდ.

„ვითხოვ თბილისის მერთან შეხვედრას და კომპენსაციას, რათა ბავშვებს მივხედო და ოჯახი ვარჩინო. წინააღმდეგ შემთხვევაში მერიასთან შიმშილობის აქციას დავიწყებ", - განაცხადა ლომაძემ.

თევდორე მღვდლის ქუჩაზე არსებულ ბაზრობაზე ხანძარი გაზაფხულზე გაჩნდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს