ბარნოვის ქუჩაზე , 25 წლის ქალის მკვლელობის საქმეზე, რომელზეც მისი მამინაცვალია, ბრალდებული, სასამართლო სხდომა მიმდინარეობს

ბარნოვზე, 25 წლის თამარ გამრეკელაშვილის მკვლელობის საქმეზე, რომელზეც მისი მამინაცვალი, ვეფხია ბაქრაძეა ბრალდებული, თბილისის საქალაქო სასამართლოში მორიგი სხდომა მიმდინარეობს.

დღევანდელ სასამართლო პროცესზე დაცვის მხარე წარმოთქვამს დასკვნით სიტყვას. ამის შემდეგ კი, მოსამართლე სათათბიროდ განაჩენის გამოსატანად გავა.

პროცესს ესწრება მოკლული თამარ გამრეკელაშვილის დედა, ნათელა გობაძეც. ის ბრალდებულისთვის უვადო პატიმრობის შეფარდებას ითხოვს.

სასამართლოში წარმოდგენილი სამედიცინო ექსპერტიზის დასკვნით იკვეთება, რომ თაკო გამრეკელაშვილს აღენიშნებოდა 33 ჭრილობა, ასევე აღენიშნებოდა მრავალი სისხლნაჟღენთი დაზიანება. 33 ნაკვეთი-ნაჩხვლეტი ჭრილობიდან 8 კისრის არეში იყო შემავალი, 2 გულ-მკერდის არეში, დანარჩენი სხვადასხვა ადგილებზე. კისრის და ყელის არეში არსებულმა დაზიანებებმა გამოიწვია გარდაცვალება.

ბრალდების მხარის განმარტებით, სასამართლო განხილვებზე გამოიკვეთა ასევე ერთი გარემოება, რომლის მიხედვითაც ბრალდებულმა ვეფხია ბაქრაძემ დანაშაული მოკლული გამრეკელაშვილის მცირეწლოვანი ბავშვების თვალწინ ჩაიდინა.

შეგახსენებთ, რომ თაკო გამრეკელაშვილი მიმდინარე წლის 13 აპრილს, თბილისში, ბარნოვის ქუჩაზე მოკლეს. აღნიშნულ დანაშაულზე სამართალდამცავებმა მოკლულის მამინაცვალი, ვეფხია ბაქრაძე 14 აპრილს, თელეთში დააკავეს. ის მიმალვაში იმყოფებოდა.

გამოძიება 11 პრიმა 109-ე მუხლით მიმდინარეობს, რაც ოჯახში ძალადობის ნიადაგზე ჩადენილ განზრახ მკვლელობას დამამძიმებელ გარემოებაში გულისხმობს. აღნიშნული მუხლი 16-დან 20 წლამდე ან უვადო პატიმრობას ითვალისწინებს.

სამართალდამცველებმა ბარნოვის ქუჩაზე მომხდარი მკვლელობის საქმეზე კიდევ ერთი პირი, ბრალდებულ ვეფხია ბაქრაძის ბიძაშვილი, თემურ ბაქრაძე დაკავეს. მას ბრალი დანაშაულის შეუტყობინებლობისთვის აქვს წაყენებული. ჩადენილი დანაშაული 2-დან 4 წლამდე ვადით თავისუფლების აღკვეთას ითვალისწინებს.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის