თეიმურაზ გორჯესტანი -  დღეს დაგითმეთ დედა - დღეს დედაჩვენი გახდა საქართველოს პრეზიდენტი და მთავარსარდალი

როგორც სპორტის სასახლეში გამოსვლისას ვთქვი, დღეს დაგითმეთ დედა, დღეს დედაჩვენი გახდა საქართველოს პრეზიდენტი და საქართველოს მთავარსარდალი. ეს არის ჩვენთვის, შვილებისთვის დიდი სიამაყე, - ამის შესახებ ინაუგურაციის შემდეგ, საქართველოს მეხუთე პრეზიდენტის, სალომე ზურაბიშვილის შვილმა, თეიმურაზ გორჯესტანმა ჟურნალისტებთან განაცხადა.

როგორც ის აღნიშნავს, სალომე ზურაბიშვილის სიტყვით გამოსვლისას ყველზე მნიშვნელოვანი აქცენტი იყო გაკეთებული იმაზე, რომ ის ყველას პრეზიდენტი იქნება, მათ შორის, იმ ადამიანებისაც, ვინც მას ხმა არ მისცა.

„ამ მომენტში, მართალი გითხრათ, ჩემ ბებიაზე და ბაბუაზე ვფიქრობდი ყველაზე უფრო მეტს. ამ მომენტში მგონია, რომ ყველა ერთად ვფიქრობთ საქართველოს მომავალზე, საქართველოს დემოკრატიულ განვითარებაზე და ალბათ, ჩვენი ოჯახისთვის და ქვეყნისთვის მთავარია, ამ ქვეყნის ევროპული მომავალი.

ყველზე მნიშვნელოვანი დღეს იყო, რომ ქალბატონი სალომე, ქალბატონი პრეზიდენტი იქნება ყველა ქართველის პრეზიდენტი, იმ ქართველების, ვინც მისცა ხმა და იმ ქართველების, ვინც არ მისცა ხმა. ეს არის ძალიან დიდი პოლიტიკური, ევროპული ნაბიჯი, რომ საქართველო გამთლიანდეს და განვითარდეს, როგორც თანამედროვე, ევროპული, დამშვიდებული, თავისუფალი ქვეყანა“, - განაცხადა გორჯესტანმა.

ის გამოეხმაურა საპროტესტო მონაწილეების განცხადებას, რომლის მიხედვითაც სალომე ზურაბიშვილი ლეგიტიმური პრეზიდენტი არ არის. გორჯესტანის განმარტებით, ზურაბიშვილი წლების შემდეგ არამხოლოდ ოჯახისთვის იქნება საამაყო, არამედ ქვეყნის ისტორიისთვის.

„როგორც საქართველოს პრეზიდენტმა თქვა, ის იქნება ყველა ქართველის პრეზიდენტი, ეს იყო ყველაზე მნიშვნელოვანი სიმბოლო ამ ინაუგურაციისთვის, ეს მოხდა თელავში, სადაც არ მიიღო უმრავლესობამ. ეს იყო ძალიან ძლიერი სიმბოლო ამ ქვეყნის განვითარებაში. დარწმუნებული ვარ, რაც წლები გავა, იქნება კიდევ უფრო ძლიერი პრეზიდენი და იქნება არამარტო ოჯახის სიამაყე, არამარტო მხარდამჭერის სიამაყე, არამედ მთელი საქართველოსი და მთელი საქართველოს ისტორიის სიამაყე“, - განაცხადა გორჯესტანმა.

იხილეთ ვიდეო: "დღეს დაგითმეთ დედა" - სალომე ზურაბიშვილის ვაჟის პირველი კომენტარი ინაუგურაციის შემდეგ

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა