სომხეთის პრეზიდენტი - მოუთმენლად ველი თანმშრომლობას საქართველოს ახალ პრეზიდენტთან

მოუთმენლად ველი თანმშრომლობას საქართველოს ახალ პრეზიდენტთან, საქართველოს მთავრობასთან და პარლამენტთან და რაც მთავარია ქართველ ხალხთან ჩვენი ურთიერთობების კიდევ უფრო განმტიკცების მიზნით, - ამის შესახებ საქართველოში სტუმრად მყოფმა სომხეთის რესპუბლიკის პრეზიდენტმა არმენ სარქისიანმა განაცხადა.

სარქისიანმა სრულიად საქართველოს და ქართველ ხალხს ახალი პრეზიდენტის არჩევა მიულოცა და სალომე ზურაბიშვილს წარმატებული საქმიანობა უსურვა.

საგარეო საქმეთა სამინისტროს პრესსამსახურის ინფორმაციით, სარქისიანმა ხაზი გაუსვა საქართველოსა და სომხეთს შორის არსებულ ისტორიულად მჭიდრო ურთიერთობებს და მათი კიდევ უფრო გაღრმავების მნიშვნელობას.

“საქართველოსა და სომხეთს შორის, ქართველებსა და სომხებს ხალხებს შორის ათასწლეულებია მეგობრული და ძმური ურთიერთობები აკავშირებთ. ათასწლეულებია ეს არის სამაგალითო ურთიერთობა ორ მეზობელ ერს შორის, რომელსაც არასოდეს ქონია სერიოზული პრობლემა ერთმანეთთან. ჩვენ ნამდვილად დაძმობილებული ერები ვართ და ამიტომაც ბუნებრივია, რომ სომხეთის რესპუბლიკის პრეზიდენტი დღეს აქ იმყოფება. მოუთმენლად ველი თანმშრომლობას საქართველოს ახალ პრეზიდენტთან, საქართველოს მთავრობასთან და პარლამენტთან და რაც მთავარია ქართველ ხალხთან ჩვენი ურთიერთობების კიდევ უფრო განმტიკცების მიზნით“, - განაცხადა არმენ სარქისიანმა.

ქალაქ თელავში საქართველოს პრეზიდენტის ინაუგურაციის ცერემონიაში მონაწილეობა მსოფლიოს 55-მდე ქვეყნის 150-მდე წარმომადგენელმა მიიღო.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია