გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონულ სამმართველოს ახალი შენობა აქვს

გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონულ სამმართველოს ახალი შენობა აქვს, - ამის შესახებ „ინტერპრესნიუსს“ გარემოსდაცვითი ზედამხედველობის დეპარტამენტიდან აცნობეს.

მათივე ინფორმაციით, შენობა უმაღლესი სტანდარტების ყველა საჭირო ინვენტარითა და ტექნიკით არის აღჭურვილი. დეპარტამენტის სამეგრელო-ზემო სვანეთის რეგიონული სამმართველო გარემოს დაცვისა და სოფლის მეურნეობის მინისტრის მოადგილემ იური ნოზაძემ, პარლამენტის გარემოს დაცვისა და ბუნებრივი რესურსების კომიტეტის თავმჯდომარე კახა კუჭავასთან, აგრარულ საკითხთა კომიტეტის თავმჯდომარე ოთარ დანელიასთან, გუბერნატორის მოადგილე კობა ქანთარიასთან, ზუგდიდის მუნიციპალიტეტის მერის მოვალეობის შემსრულებელთან მაიზერ ნანავასთან და ადგილობრივი ხელისუფლების სხვა წარმომადგენლებთან ერთად დაათვალიერა. მათ დეპარტამენტის 30-მდე თანამშრომელს, სამსახურეობრივი მოვალეობების სანიმუშო შესრულებისათვის, მადლობის სიგელები და საჩუქრები გადასცეს.

ზუგდიდის მუნიციპალიტეტის, სოფელ ჭითაწყარში მდებარე ახალ ადმინისტრაციულ შენობაში, ინსპექტირებისა და სწრაფი რეაგირების ჯგუფები განთავსდება, რაც მოქალაქეებს საშუალებას მისცემს ერთ სივრცეში ისარგებლონ ყველა საჭირო სერვისით.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია